影片
更多
2010-05-02
47 瀏覽
師傅都有好一段時間冇見過花姐, 於是就約出黎食晏聚聚啦, 而花姐就好有興趣去紅煙窗度食自助餐, 但咁唔好彩該餐廳竟然全場爆滿; 於是就將呢個難題拋左比師傅, 師傅見花姐咁想食自助餐, 於是就上黎呢個平台度搵下啦, 無意間比師傅睇到食家亞瑜(AYU)嘅食評, 見佢講得好吸引, 於是立即打去訂位, 就決定同花姐黎呢間餐廳!準時去到, 師傅發現都幾多人, 侍應安排左入座後, 第一時間當然係同花姐去望下有咩好野食啦, 係咁易兜左一個圈, 師傅感覺上都幾多野食, 有少少目不暇給, 唔好睇咁多, 都係即刻開餐! 先講下有咩食先, 沙律, 刺身,壽司, 湯, 點心, 熱盤, 喇沙, 燒牛肉, 甜品等, 都算各式其式應有盡有, 自助午餐黎講都算幾多選擇!由於刺身望埋去發覺不太靚, 所以師傅都費事試; 師傅前後食左四大碟, 第一碟以沙律為主, 沙律撈得幾好, 唔會話好濕, 沙律醬亦唔會太多, 最重要係有師傅鍾意嘅蛋沙律, 所以不錯; 第二碟係以熱盤為主, 有點心, 牛仔骨, 豬肶肉, 炸蝦同海鮮, 坦白講每樣食物都算中上, 當然冇咩出位野, 而當中比較欣賞有干蒸牛肉同烤蝦, 其他食物亦絕對吞得落; 第三
準時去到, 師傅發現都幾多人, 侍應安排左入座後, 第一時間當然係同花姐去望下有咩好野食啦, 係咁易兜左一個圈, 師傅感覺上都幾多野食, 有少少目不暇給, 唔好睇咁多, 都係即刻開餐! 先講下有咩食先, 沙律, 刺身,壽司, 湯, 點心, 熱盤, 喇沙, 燒牛肉, 甜品等, 都算各式其式應有盡有, 自助午餐黎講都算幾多選擇!
由於刺身望埋去發覺不太靚, 所以師傅都費事試; 師傅前後食左四大碟, 第一碟以沙律為主, 沙律撈得幾好, 唔會話好濕, 沙律醬亦唔會太多, 最重要係有師傅鍾意嘅蛋沙律, 所以不錯; 第二碟係以熱盤為主, 有點心, 牛仔骨, 豬肶肉, 炸蝦同海鮮, 坦白講每樣食物都算中上, 當然冇咩出位野, 而當中比較欣賞有干蒸牛肉同烤蝦, 其他食物亦絕對吞得落; 第三碟就有咖哩同會意粉, 咖哩談不上特別香, 但勝左配上羊腩, 羊腩鬆軟酥香, 咖哩配飯仍是一而絕; 而會意粉係要彈下, 意因意粉會得比較乾身, 意粉入口較硬, 唔多好食! 第四碟就係喇沙, 喇沙湯底一般, 唔香唔辣, 米粉亦係較硬身, 魚片亦算爽口, 可以啦! 甜品一向唔係師傅主打, 所以冇食, 但幾飽都有食個三色雪糕, 牛奶公司雪糕師傅都好耐冇食過, 偶爾一次亦有另一番風味! 值得一提係咖啡,奶茶同果汁係任飲!
總括而言自助餐水準不俗, 環境舒服, 服務都友善, 係人手唔多夠, 收碟速度較慢, 價錢亦相宜, 每人折實後百四蚊一位, 咁嘅價錢咁嘅質素, 絕對收貨啦! 食家亞瑜(AYU)果然冇介紹錯, 師傅由十二點食到兩點半, 仲要坐到差不多三點先捨得走, 皆因大家實在有太得野要傾喇, 但侍應都冇催趕過, 值得一讚; 如果要揀間經濟實惠而又有水準的自助午餐, 師傅覺得呢間係值得一試, 有機會都會再黎, 笑臉值得一比!
張貼
