金凱小廚 (已結業)

民以食為先，趁著疫情回落約朋友聚餐，朋友想無的放矢食到盡，又係火鍋任食放題冇走雞。金凱小廚唔係主力賣炒小菜，反而係火鍋店仲要經濟實惠。《無限時、免加一、一口價》呢種震撼好難有第二間做到。其實食店位於大圍美林邨唔係好就腳，所以用價格吸引食客係好明白嘅事，不過間食店隔離有個巴士站，尚算方便。我們揀嘅餐，串燒按人頭計每人四串，menu紙上都可以揀，豬、牛、羊、海鮮都有 ，燒出嚟嘅效果都唔錯，有好濃厚嘅蒜香，啱曬重口味一族。雞煲亦唔會求其，幾辣幾惹味。食完就到火鍋出場，今次揀嘅係花膠雞湯底，本身已經夠濃味，轉頭打埋邊爐就仲濃啲。menu紙上的配料係任剔，不過要衡量自己嘅食量先好寫，以免變成大嘥鬼！黑毛和牛、牛小排、肩胛牛肉都可選擇，海鮮唔多，基本蝦、肉類、丸類都有，講真呢個價錢係不錯，而且食材質素唔會差，食得過。住呢度嘅朋友間中都會嚟呢間食店，貪佢夠實際，《無限時、免加一、一口價》確實吸引，尤其對於後生仔可挑戰盡情地吃喝開懷一下。