影片
更多
2021-08-18
85 瀏覽
今晚去咗寶琳食飯，間餐廳叫四點金，主打潮州嘢。坐低見到佢有好多套餐，睇落幾抵食。我哋叫咗一個晚市孖寶，有半隻貴妃雞拼菜圃煎蛋。隻貴妃雞外皮非常之薄，雞皮又爽又脆，雞肉好嫩滑又多汁，外皮有少少鹽醃過，所以似鹹雞嘅味道。菜圃煎蛋上枱睇得出係心思之作，蛋餅嘅顏色煎得好金黃，唔會太燶，加埋菜圃嘅鹹香，非常之有家鄉風味。之後叫咗一個鮮魷炒通菜，加一蚊仲會送一碟韭菜豬紅。通菜上碟都好大碟，足三至四人份量，魷魚傳統式刀功有界花，通菜炒得好香濃又有鑊氣。一蚊嘅豬紅都幾大碗，唯一缺點係韭菜少咗一點，豬紅滷水之後非常之入味，食得出幾新鮮，冇腥味，送酒應該唔錯。埋單$380兩個人來講食得都幾豐富。其實見到佢仲有一啲二人套餐，不過份量菜式非常多，擔心食唔晒，下次叫食量大D嘅朋友嚟，一定會試吓！
坐低見到佢有好多套餐，睇落幾抵食。我哋叫咗一個晚市孖寶，有半隻貴妃雞拼菜圃煎蛋。
隻貴妃雞外皮非常之薄，雞皮又爽又脆，雞肉好嫩滑又多汁，外皮有少少鹽醃過，所以似鹹雞嘅味道。
菜圃煎蛋上枱睇得出係心思之作，蛋餅嘅顏色煎得好金黃，唔會太燶，加埋菜圃嘅鹹香，非常之有家鄉風味。
之後叫咗一個鮮魷炒通菜，加一蚊仲會送一碟韭菜豬紅。通菜上碟都好大碟，足三至四人份量，魷魚傳統式刀功有界花，通菜炒得好香濃又有鑊氣。
一蚊嘅豬紅都幾大碗，唯一缺點係韭菜少咗一點，豬紅滷水之後非常之入味，食得出幾新鮮，冇腥味，送酒應該唔錯。
埋單$380兩個人來講食得都幾豐富。其實見到佢仲有一啲二人套餐，不過份量菜式非常多，擔心食唔晒，下次叫食量大D嘅朋友嚟，一定會試吓！
張貼
