貴川風味館 (已搬遷) 新店位置

12月份洗太多錢了...真係想平平地食返餐算....咁岩行過呢度就入左去食,其實都鐘意食小鍋米線,呢度既小鍋米線就20蚊起我果碗加左豬潤同豆卜!!一黎到就見到好大碗, 三十幾蚊咁大碗米線依家真係好難得.仲有都算比足料架, 你睇有幾多豬潤同豆卜,d豆卜浸耐d先食真係好入味架另外果碗係紅薯粉, 口感好特別~ 唔係難食~ 不過我都係鐘意食返米線多d.,呢碗加左腐皮角~ 味道唔錯~ 雖然男仕黎講可能睇落會唔夠飽, 但其實呢度的份量都真係幾大的. 就算真係唔夠飽都有好多唔同款式既小食~~今次我一碗夠了