麥當勞

營業中

休息中

今日食lunch真係好多人，唔知係咪零確診咗兩日，疫情開始緩和，多左人去街街😁！我呢啲保守型😆梗係繼續外賣自取啦，夠晒安全，今日買咗久違了的麥香雞包，同巨無霸返去俾亞女食，話說上次亞女喺日本機場麥記食過巨無霸之後，返到嚟香港就一路話又想食，咁當然係有分別啦，比較起上嚟香港嘅包冇咁鬆軟，生菜冇咁多😂，但都好食嘅，始終係經典呀嘛，起碼佢食晒！我就食咗麥香雞包餐，令我有驚喜嘅係，今次買到嘅係新鮮熱辣嘅， 一食就知係啱啱炸好，真係要俾個讚佢👍👍！整體來講呢餐都唔錯，唯一美中不足嘅係薯條份量真係好少，擺唔滿， 希望下次可以改善呢一點啦，咁食客食都食得開心啲😅