巴打冰室 (已結業)

疫情好轉，繼續出街搵嘢食。原本諗住去支持一下長沙灣嘅時X冰室，但係經過見到門口真係好誇張囉。下午2:15分呢段時間門口都有成30幾人係度排隊，所以就轉呔搵個間易泊車位嘅地方醫飽個肚先。我係絲打，梗係要幫襯巴打！呢間冰室就唔算有好多種嘢食，不過都仲有啲懷舊飲品。好似黑牛、白雪公主真係好耐冇飲過。我見到有個小菜叫做蜂蜜陳皮骨好似幾特別，有機會嘅朋友可以試下。我哋兩個人冇叫到午餐及全日飯粉餐，但係見到隔離枱個位哥仔嗰個午餐，個碗湯飯真係好大碗，我見到即刻『哇』一聲！46蚊真係ok抵食。枝竹蘿蔔牛腩煲，一個大男人都食唔晒，仲可以留返一半打包。牛腩切到細細粒，好易入口，而且炆得好淋。焗椰汁咖喱牛腩飯，如果椰汁可以更加多少少。再香濃應該更加正！