金豪酒家 (已結業)

收工同成班同事係金豪食飯，首先，我地叫左鹵水鴨舌，除了用上正宗鹵水配料花椒，八角去整外，食出用上了少量的豉油雞汁去整，所以食落有甜中帶甘的味道，加上鴨舌本身爽脆彈牙，係非常值得一食的前菜。之後，就係出名的金牌燒鵝，食出必定用上新鮮鵝肉製造，因為食落沒帶住何雪味，加上燒得合時，皮脆內嫩，確實係不錯的燒鵝肉。再者，還點了金豪和味雞，食落非常爽口，皮和肉完全分離，沒有任何的脂肪，相信一定用上新鮮雞來煮製而成，最特別之處就係雞上的醬汁，應該係店鋪特別製作而成。之後，就係主角金豪雞煲翅，足足8兩特魚翅同老雞，煮製而成。食落除了有金華火煺外，還有雞肉淆製而成，所以飲落非常有雞的消香味，而且魚翅爽口彈牙，而且非常粗針，必定用上貴價貨製作。還有，我地叫左避風塘瀨尿蝦，這菜特色係將瀨尿蝦拆殼炒成，所以怕麻煩拆殼既朋友必要試。之後，就係蝦乾通菜煲，除了用上大量蝦乾炒作而成，而且還有蝦膏，所以食落有咸香的口感，令味覺有一食再食的衝動。最後，就係醬烤骨，睇落就似東坡肉，但來到店員才用刀把豬肉砌細，所以食落唔似東玻肉油膩，而且醬汁酸酸甜甜，令人非常開胃。總括來說，係北角有如此水準的店鋪非常少，而且價錢合理，最岩