影片
更多
2021-03-23
331 瀏覽
我諗已經搵到暫時最喜愛的漢堡包店。本來以為burger joys、BLT、butchers club已經唔錯，原來高處未算高。早前「Honbo」入選2020年全球最佳漢堡，仲要係唯一香港代表，早已經想拜會，佢有3間分店：中環、荃灣同我去的灣仔。灣仔店雖然細（約坐20人），但最有特色，藍白色裝潢好簡潔，附近都係型格小店，有點似裏原宿或者代官山。不過位處橫街小巷，有點難搵。店鋪提供約十款漢堡包，幾款小食同特色飲品。招牌漢堡係honbo，有1.0、2.0同3.0，分別係漢堡扒的分量唔同。我哋係share，所以叫咗最大的2.0（$168），有4塊2安士漢堡扒、3塊芝士、青瓜、洋蔥同自家醬汁。最吸引絕對係嗰4塊漢堡扒，佢用本地牛腩、美國牛肩肉等手打而成，肉味極為濃郁，又有肉汁，面頭煎得脆脆地，無論口感同味道都屬頂級。半溶芝士都好香濃，麵包亦係自家製，夠厚身但都好鬆軟，全部都配合得好好，只係多食都膩（雖然只有男生手掌大小）。芝士薯條（$58）的芝士非常咁澎湃，幾乎食到落底都仲有芝士。幼身薯條有點碎，不過仍然軟糯有薯味。飲品分別係ginger lime lemonade、apple pie iced
本來以為burger joys、BLT、butchers club已經唔錯，原來高處未算高。早前「Honbo」入選2020年全球最佳漢堡，仲要係唯一香港代表，早已經想拜會，佢有3間分店：中環、荃灣同我去的灣仔。灣仔店雖然細（約坐20人），但最有特色，藍白色裝潢好簡潔，附近都係型格小店，有點似裏原宿或者代官山。不過位處橫街小巷，有點難搵。
店鋪提供約十款漢堡包，幾款小食同特色飲品。招牌漢堡係honbo，有1.0、2.0同3.0，分別係漢堡扒的分量唔同。我哋係share，所以叫咗最大的2.0（$168），有4塊2安士漢堡扒、3塊芝士、青瓜、洋蔥同自家醬汁。最吸引絕對係嗰4塊漢堡扒，佢用本地牛腩、美國牛肩肉等手打而成，肉味極為濃郁，又有肉汁，面頭煎得脆脆地，無論口感同味道都屬頂級。半溶芝士都好香濃，麵包亦係自家製，夠厚身但都好鬆軟，全部都配合得好好，只係多食都膩（雖然只有男生手掌大小）。
芝士薯條（$58）的芝士非常咁澎湃，幾乎食到落底都仲有芝士。幼身薯條有點碎，不過仍然軟糯有薯味。
飲品分別係ginger lime lemonade、apple pie iced tea（$38杯）。前者酸酸地又有輕微薑味，最啱中和咁膩嘅食物。後者好有驚喜，香香甜甜有好重肉桂味，完全hit中我喜好，真係好似蘋果批。
好少有餐廳係去完冇耐就即刻心思思想再去，呢度係其中一間，不過當然會食返light啲，同埋想試番薯條。
張貼
