熺會館

營業中

休息中

今晚突然興起同男朋友出去打邊爐！記得之前喺尖沙咀食過一間超好味嘅火鍋店。而且環境都好乾淨，價錢仲要唔貴，所以今日特登帶男朋友去個到食飯😋我哋叫咗🌟熺會館花膠雞湯鍋 ，呢個有驚喜。用料非常豐富，入邊有好多花膠同雞😍 成個湯都係佢地嘅味道。呢兩種食材嘅味道永遠都咁夾。味道非常鮮甜。就咁飲唔打邊爐都非常適合。真係超正👍🏻🌟極肥脆肉鯇魚腩，好少可見到咁厚身嘅鯇魚腩😍。口感爽口彈牙，味道鮮甜。食落口真係啖啖肉。正！🌟黑白栢葉雙拼，第一次見黑牛柏葉。我覺得個味道同普通牛柏葉差唔多。都係有好濃郁嘅牛味。口感非常爽口同淋身。一啲都韌。超好味😋🌟鮮雞子 ，分量十足。而且非常新鮮。脹卜卜嘅雞子咬落去十分爽口，而且非常多汁。真係好容易食到停唔到口😋🌟鮮鵝腸 ，十分新鮮同爽口彈牙！🌟脆炸美味午餐肉 ，炸到十分乾身，一啲油膩嘅感覺都冇。🌟金沙椒鹽墨魚咀，同樣炸到非常乾身，墨魚咀咬落去鮮甜多汁。加埋炸蒜蓉同椒鹽，味道非常惹味可口。好快就俾我同男朋友食晒！