agnès b. Café LPG

營業中

休息中

經過Cafe突然間想食甜品，於是買咗我最鍾意嘅拿破崙返屋企食！賣相真係好可愛好精緻，拎到返屋企都仲係keep到咁靚仔，打卡一流！上面三粒都係酥皮嚟，有一層糖漿coating，可以話係畫龍點睛，令到本來粗糙嘅酥皮口感變得豐富，就好似焦糖燉蛋嘅嗰層光滑嘅焦糖皮，配埋間住嘅白朱古力cream，口感同味道非常balance，唔會太甜，恰到好處。雖然下面都係兩層厚酥皮夾住中間一層白朱古力cream，上下結構不同但味道一樣，令到成個甜品昇華左，因為坊間大多數拿破崙都只係好似下層咁樣。至於下層可能因為外賣關係所以酥皮已經有少少受潮軟腍咗，有啲難咬開，不過依然冇影響到味道，一路食嘅時候依然係幸福感滿滿！以呢個價錢食到呢一個質素嘅拿破崙，絕對會再回購。