馬辣台式鴛鴦火鍋 (創興廣場)

營業中

休息中

同朋友去玩左成日, 夜晚約好左去呢間打邊爐，試下新野！位於旺角，價錢都只係百幾蚊，仲可以任食，好正咁！6點左右黎到仲未好多人，夜少少7點就開始坐滿晒人喇！所以book定台就最好啦！有8款湯底揀，可以揀兩款！揀左麻辣同西紅柿洋蔥海王湯！係menu紙到仲揀左幾款豬牛羊海鮮！揀完就出去拎其他火鍋材料！有成兩大櫃分兩邊俾人任揀！好多款！任君選擇！醬汁調味都勁多俾你揀！沙茶醬正👍🏻野飲都好多款架！除左兩櫃汽水啤酒罐裝飲品，仲有凍既果汁，涼茶俾你揀，同埋熱既咖啡奶茶茶包花茶都有！揀完返去個煲都差唔多到，好快就滾起，啲野都好快食得，好正！ 麻辣湯底揀左少辣，唔係十分辣，食少少都唔怕！啲肉好手工薄切，滾幾滾就食得，好欣賞佢既五花豚肉同海蝦！五花肉薄得黎不失口感軟熟，又有肉香！海蝦都算幾新鮮架！佢地既丸類都好齊備，墨汁墨丸，芝士丸，蟹籽丸，海膽丸，芝士魚腐呢啲都好正！無雪藏臭up味都算係咁啦！醉雞都好驚喜架！烚左好耐都仲咁滑口，食落仲有酒香添！竟然有花膠食，都好滑🤑希望可以加多蔬菜類既選擇啦😂現場仲有甜品水果同埋雪糕！呢個邊爐真係好抵食！食左甜甜的西瓜同蜜瓜作為飯後果！環境都寬敞，卡位真係好舒適！仲有插