悠蔬食 (渣甸中心) (已結業)

平時lunch餐餐食肉，間唔中都會想食得清淡小小，但又怕食素會好齋，聽同事介紹呢間幾特別，一於黎到試下新派素食lunch！餐廳係樓上鋪，座位唔算太多，入去即刻安排到坐位。lunch選擇比想像中多類別，中，韓，西，泰式都有，同同事叫左2個set share，1.冬蔭公野菌燴闊條麵2.韓式五色鮮蔬牛蒡拌飯。而湯品點左中式霸王花湯。除左lunch set外，見到有點心menu即刻勾起點心癮，點左碟芋絲春卷。前菜蔬果扁豆沙律藜麥一粒粒有嚼口，小蕃茄清甜，沙律醬酸酸甜甜幾開胃。霸王花粟米雪耳湯好清甜，無諗過唔放肉煲既湯都可以咁有味，每啖湯都充滿粟米紅蘿蔔甜味精華👍🏻芋絲春卷既叫既炸，咬落口十分鬆脆，芋蓉餡多而且好香芋頭味，感覺同平時酒樓有肉餡既芋絲春卷無大份別。冬蔭公野菌燴闊條麵除野菌外，內裏夾有好多蔬菜，有西葫蘆瓜，蘆筍等等，冬蔭公醬汁酸酸辣辣帶有濃濃青檸味，而闊條麵用上台式刀削麵，令闊條麵可以充分沾滿冬蔭公醬汁。闊條麵上帶有炸香過既九層塔葉，連醬汁同蔬菜一齊食味道更香濃。韓式五色鮮蔬牛蒡拌飯用鐵鍋送上，拌飯肉類改以牛蒡代替，而雞蛋絲用豆皮代替，其他蔬菜有菠菜，芽菜，紅蘿蔔絲，冬菇就。同平日唔