影片
更多
2016-10-04
8581 瀏覽
煩惱去邊度食飯慶祝結婚兩週年, 係報紙見到有段小介紹, 皇家太平洋酒店的 "Pierside" 有個 Three Course Dinner ($210 + 10% ), 平時聽得多人講既係佢地既BUFFET, 見今次個MENUS 幾吸引, 價錢又可接受, 即刻打去訂枱, 仲話明係慶祝結婚兩週年, 希望佢係甜品上, 可以幫我地寫上字!去到個感覺都幾舒服, 枱與枱之間都不算太密, 兩位經理都好熱情招呼客人!我地每人點左一個餐, 頭盤, 甜品, 各選一, 咁就可以試齊晒, 主菜楝左牛同意大利飯!而家仲緊 PROMOTION, 好似係九點前叫酒精類飲品, 都有 buy 1 get 1 free, 我見枱枱都叫哩款, 我都叫左杯黎試下 "Cocktails & Ice Pop", 第一杯見到支冰條就即刻食左佢, 點知杯野飲落好淡味, 到第二杯, 我地決定等支冰條自己溶, 飲落既味道即刻唔同左, 重味啲, 不過總括杯野都係麻麻, 冇乜特別!因為佢地知我地係SHARE 食, 每樣食物都係逐樣逐樣咁上, 時間上安排得幾好!Caesar Salad with air-cured ham, 好新鮮, 啲
去到個感覺都幾舒服, 枱與枱之間都不算太密, 兩位經理都好熱情招呼客人!
我地每人點左一個餐, 頭盤, 甜品, 各選一, 咁就可以試齊晒, 主菜楝左牛同意大利飯!
而家仲緊 PROMOTION, 好似係九點前叫酒精類飲品, 都有 buy 1 get 1 free, 我見枱枱都叫哩款, 我都叫左杯黎試下 "Cocktails & Ice Pop", 第一杯見到支冰條就即刻食左佢, 點知杯野飲落好淡味, 到第二杯, 我地決定等支冰條自己溶, 飲落既味道即刻唔同左, 重味啲, 不過總括杯野都係麻麻, 冇乜特別!
因為佢地知我地係SHARE 食, 每樣食物都係逐樣逐樣咁上, 時間上安排得幾好!Caesar Salad with air-cured ham, 好新鮮, 啲 ham 鹹鹹地配落去食, 好味!
玉米濃湯配爆谷, 個粟米湯真係好濃, 重重既粟米味, 好正, 但配爆谷, 我估應該係一個綽頭, 感覺有點不太夾, 我個人覺得湯都係配多士/麵包, 較夾
黑松露野菌意大利飯, 基本上意大利飯都係配黑松露野菌, 主意都係睇個松露香唔香, 哩度既松露一般, 一上枱冇話有一種好香既松露味, 同埋啲意大利飯都比較偏硬, 連個心都較硬!
另一款主菜楝左西冷牛扒 (要另加+$60), 其實我對西冷一般, 我比較喜款食肉眼扒, 因為西冷一般都唔夠牛肉既香味! 哩度的牛扒正如我所講, 唔香!
我地叫左五成熟, 但覺得應該超過五成了, 食落去好靭, 可以係塊扒都一般, 感覺唔值要+$60 去食塊咁既西冷扒, 我寧願楝比目魚, 因為見隔離枱塊比目魚仲好味.
到甜品: 棉花糖朱古力布朗尼配乳酪雪糕, 係上枱時, 會淋上少許冧酒點火
另一款係: 焗蘋果卷配雲呢拿雪糕
兩款甜品上枱的時候, 我都唔見佢有寫字, 我即刻問, 我有打電話黎要求寫字, 點解會冇既, 那位經理(較肥), 答我話係呀, 你個字因為碎左, 所以而家整緊, 好快立刻到, 我等左一陣, 見佢都冇入廚房講過或為我睇過一眼, 只係掛住同其他枱傾計招呼, 你要明白, 你俾我既兩款甜品都有雪糕係度, 我就係要等你個字影張相紀念, 咁你係想叫我食完個甜品之後, 再同啲淨字體影相呀?, 其實個位經埋答我既時候我已經覺得佢地係忘記左, 但係忘記左唔緊要, 你可以直接同我講, 而唔係"沙" 我囉! 跟住我再等多一陣, 見啲雪糕開始溶了, 我再叫那位經理, 佢見到我叫佢, 佢竟然叫另一位經理(高啲那位叫Jerry F.)應我地, 我話你地位同事話我個字整緊, 但係雪糕就溶啦, 你想我點呢? 佢即收起我兩款甜品, 話我而家入廚房幫你跟進, 再另上多一次甜品俾你 (即刻感覺佢有誠意好多)! 不過, 轉頭佢返黎問我係唔係寫" HAPPY BIRTHDAY", 我即刻話我打過電話黎, 要求寫乜野字, 你地仲應承話ok, 點解到最後你地要問返我寫乜野字呢?
隔多一陣, 佢走過黎問我地趕唔趕時間, 佢話會補償返, 會俾個驚喜我地, 叫我地俾十五分鐘佢! 我見佢不斷進出廚房睇下個進度, 有時見我地係咁望住, 佢到會過黎同我地講, 俾多少少時間佢!
其實都超過十五分鐘啦......果然, 佢做到, 真係俾到驚喜我地! 個甜品好靚, 其實要等咁耐, 我見佢話係要整個支棉花糖! 全個甜品都係食得架, 個塊草坡係綠茶蛋糕碎, 仲有啲蝴蝶好靚, 都係朱古力黎, 佢可以配襯到將我地個兩款甜品溶合落哩個甜品主題到.....正! 我絕對要俾個 LIKE 哩位總理 (記住係較高那位, Jerry F.), 另外要俾個DISLIKE 那位"沙"我既經理(較肥較矮那位)
張貼
