龍點心 (Eastcore)

營業中

休息中

個日同朋友去觀塘行街，行到咁上下諗住順便一齊食飯，上OpenRice 搵左好耐，見到呢間龍點心好似唔錯，加上我地都諗唔工食咩好，就決定試下。首先講下啲點心其實都整得幾靚，有啲真係幾精致，味道唔差，啲食材都新鮮，蝦餃燒賣都好彈牙，而且所有點心都係新鮮即叫即蒸。而我自己最愛既始終都係蝦餃同燒賣，因為最經典，由細食到大，皮薄餡靚。另外脆脆富貴紅米腸粉都唔錯，適合鍾意食脆口野既朋友。建議黎到要叫返個一龍大滿足既點心拼盤，因為有好多款式，都算幾抵食，同埋啲點心都幾大舊，好快飽。環境黎講唔錯既，有裝修，坐得都ok舒服，唔會好迫。