正潮樓 (富通大廈)

營業中

休息中

收工搵飯食，行過見到哩間潮洲菜好似好正宗，又好想食鹵水鵝肉，跟朋友入去食😋裝修都好靚，好有特色先叫碟鹵水鵝肉，份量都幾大，仲要下裝位，鹵水味好濃，肉質好林滑，咬落鵝肉香味好正，好似返汕頭食鵝咁好食🤤好耐冇食九肚魚，叫左碟脆脆皮九肚魚，真係外脆內軟，咬落口真有魚油香味😍芥蘭炒方魚，哩個菜每次食潮洲菜都會食，好中意大地魚好味，炒芥蘭真係好夾😋芋頭炒香飯，一打開煲蓋就聞到芋頭好味，飯炒軟梗適中，加上好粉芋頭、肉丁炒，一大煲香飯、仲以為食唔晒，但二個人邊傾邊食全部清盤😂本身就潮洲人，對潮洲菜特別感興趣，這間店真係做到，睇裝修都以為價錢會貴，但價錢真好合理，環境食物都係正👍