一杯屋 (已結業)

今日終於都試到呢間一杯屋，好多時收工經過見到都好多人，同啲同事好幾次都話收工去食，次次都因為唔想等所以都無食到😅今次終於決心等位，好多人但原來又唔係真係等好耐，等左半個鐘都唔洗！我地幾個人傾左陣計就已經入得去坐啦～我地幾個人叫勁多野，因為樣樣都想食！我地叫左一杯屋特選魚生飯、日本五花腩炒拉麵、極上炭燒牛舌定食、雜錦吉烈拼盤定食、上壽司卷物拼盤、炭燒日本雞拼盤！上網睇呢度最出名係牛舌,果然佢啲牛舌真係美食！黎呢度一定要食佢既牛舌！個炭燒日本雞拼盤個個都岩食，所以係必點。我同事話個日本五花腩炒拉麵好香好好食，我下次都會試下！😌