🍲【湯底一開波就贏！清甜椰子雞湯】
我哋揀咗「清甜椰子雞湯」，未落料已經忍唔住飲咗兩碗！湯底超濃郁，椰香同雞味完美融合，滋潤又養顏，打邊爐之前飲一啖，成個人暖笠笠，正到震！
🐚【重點嚟啦！自助區任撈活海鮮】
呢度嘅精華絕對係個自助撈海鮮區！不停補貨無限量任撈任煮，全部活生生任你撈，睇見都興奮！
🌟活鮑魚：上枱真係仲識郁㗎！淥3分鐘就食得，爽口彈牙，鮮味爆燈！
🌟大海虎蝦：尺寸絕對冇呃人，蝦肉結實又鮮甜，我同friend每人都encore咗五隻！
🌟花蟹：隻隻都咁生猛，爭啲捉唔到！加入去個湯度煮完成個湯嘅鮮味都非常出！而且花蟹啖啖肉好好味！
🌟沙白蜆：乾淨冇沙超厚肉，一啖一粒滿足到喊！
🌟美國蜆：鮮味肥美，淥完仲keep到飽滿口感，必拎！
🌟肥蠔：大大隻，真係任攞任揀，蠔味濃郁，食多幾隻都回本！
🥩【肉食獸天堂！高質肉類無限點】
雖然海鮮係主角，但啲肉一啲都唔輸蝕！
💫澳洲M5和牛：油脂花紋靚到冇朋友，淥8秒就食得，牛味濃郁，入口即化！
💫美國肩胛肉：肉質軟嫩，完全唔「嚡」，食極都唔膩！
🍢【其他火鍋料＆自助區超多選擇】
鵝腸、海螺片、花膠、白鱔、田雞、雞子……應有盡有！丸類拼盤有牛丸、墨魚丸、珍寶魚蛋、燕餃等等樣樣齊！蔬菜款式多到有選擇困難症，仲有台灣直送水蓮，清新爽口！
🧂【醬料區超過20款！自家製XO醬超惹味】
必試自家製XO醬同蒜香油，點海鮮簡直係絕配！自由配搭，想點就點！
🍤【熟食區都有驚喜！】
蒜蓉粉絲蝦、小龍蝦、蛇羹、蟹粥……樣樣都想試！另外仲可以order乳鴿同燒生蠔，香口惹味，食完再encore！
🥤【飲品區多到眼花撩亂】
自家製鴨屎香檸檬茶、白土烏龍茶等等，茶香濃郁！飲品櫃有超過20款飲品任飲，另外仲有即沖咖啡、Shake橙汁等等，全部免費任斟！
🍧【甜品為完美一餐畫上句號】
呢度嘅甜品真係特別又多款式！三色芋圓、愛玉凍，加埋配料真係好好食！仲有杯裝雪糕、軟雪糕、馬卡龍、大福、木糠布甸……全部任攞任食，記得留定個胃啊！
總結嚟講，以呢個價錢可以任食高質活海鮮，性價比真係超高，由頭到尾足足可以食4個鐘，唔港急急腳趕人走！由湯底到食材都感受到誠意，服務同環境都keep到水準。如果你係海鮮控或者打邊爐愛好者，千祈唔好錯過！
76
#香港美食 #香港美食 #香港必食 #香港探店 #香港打卡 #香港旅游 #香港必喝 #香港放題探店 #香港放題店 #香港好去處 #香港推薦食品
#千海水產 #旺角放題 #海鮮火鍋放題 #任食鮑魚 #高性價比 #打邊爐 #香港美食 #食在旺角 #放題狂熱
