西塔老太太烤肉

營業中

休息中

今晚同老公響尖東呢頭搞完結婚啲野之後都唔知食咩好，就開咗個地圖出嚟搵吓，發覺原來呢間喺大陸好出名嘅餐廳竟然係香港開咗~ 我哋之前返大陸都冇試過又咁啱諗唔到食咩，一於喺香港試吓啦~ 我哋因為唔想諗所以就叫咗套餐，啲肉大部份都係有調味，調味偏甜，所以我同老公都覺得幾好食，有啲似韓式烤肉，啲肉嘅質地都好軟熟，幾好食餐廳提供嘅前菜都係泡菜，睇返餐廳嘅發源地都好似係中國東北嗰邊，所以可能因為咁樣有啲韓式烤肉嘅感覺(亂估) ~ 食哂之後我同老公都覺得不得不提嘅係餐廳提供嘅麻醬，係我咁大個人食過最濃郁嘅麻醬，配合埋個肉真係一流，忍唔住一啖又一啖食，另外鐵板芝士粟米邪惡得來都好好食美中不足嘅係聽聞大陸嗰邊係真係用炭爐嚟燒，但係香港因為法例問題所以冇得用炭，變相冇咁香，不過整體質素都相當唔錯，值得一試