影片
更多
2010-01-07
55 瀏覽
除夕夜一班好友Gathering....1000個苦惱究竟可以去邊? 首先大家o既方向都一致認為 - ""唔想迫""...其次希望可以搵一間餐廳可以比大家一邊嘆住美酒、享受美食, 同時又可以一邊俯覽整個維港景色之餘兼可以一齊倒數睇煙花....我諗左好耐....搵左好耐....都係諗唔到....去到31號....好好彩有同事提我i-square有新野...我可以去search下....終於比我搵到 "名家"....於是我即刻打電話去訂枱...有d遺憾係因為我太遲先訂所以冇晒窗口靚位...真係估唔到佢地開張冇耐就已經咁好生意...不過慶幸係....咁好生意應該水準唔差....始終帶住一班對食有要求o既朋友去試間新餐廳係有好大壓力呢.....總結當晚我與朋友們都過左一個好開心好滿足o既除夕夜...能夠一邊倒數一邊嘆住美食+自家帶o黎o既紅酒...所費又唔多...簡直係Perfect!!!!!! 亦都由於lee一間餐廳比我o既感覺真係好好....無論食物同職員都令我感受到佢地o既誠意...所以我願意花時間去寫lee篇食評....好o既餐廳係應該需要表揚一下...以下我會從餐廳環境、服務質素同食
首先大家o既方向都一致認為 - ""唔想迫""...
其次希望可以搵一間餐廳可以比大家一邊嘆住美酒、享受美食, 同時又可以一邊俯覽整個維港景色之餘兼可以一齊倒數睇煙花....
我諗左好耐....搵左好耐....都係諗唔到....去到31號....好好彩有同事提我i-square有新野...我可以去search下....終於比我搵到 "名家"....
於是我即刻打電話去訂枱...有d遺憾係因為我太遲先訂所以冇晒窗口靚位...真係估唔到佢地開張冇耐就已經咁好生意...不過慶幸係....咁好生意應該水準唔差....始終帶住一班對食有要求o既朋友去試間新餐廳係有好大壓力呢.....
總結當晚我與朋友們都過左一個好開心好滿足o既除夕夜...能夠一邊倒數一邊嘆住美食+自家帶o黎o既紅酒...所費又唔多...簡直係Perfect!!!!!!
亦都由於lee一間餐廳比我o既感覺真係好好....無論食物同職員都令我感受到佢地o既誠意...所以我願意花時間去寫lee篇食評....好o既餐廳係應該需要表揚一下...
以下我會從餐廳環境、服務質素同食物水準lee 3方面比comment....
評分: 5個 為滿分
餐廳環境
評分:
1. 一流...當然最賣點係佢地位於27樓...可以望晒成個維港...當晚睇煙火o既時候由TST望返去IFC o個邊...真係觀感正好多呀...
2. 枱與枱之間唔會好迫....唔似一般韓國餐廳咁 : 人又多、又迫、又嘈、仲成間餐廳都好油煙...
我地當晚燒左3個幾鐘...長髮o既我一d油煙味都冇....唔會尷尬very good!!
3. 衛生一流....餐廳環境100個乾淨....因為好新呀....另外侍應們10個勤力換碟....fine dining係唔同d....不過內心就忍唔住覺得有d唔環保...因為冇啦啦要用咁多水洗碟....hehe
服務質素
評分:
1. 細心.....當晚訂左9點30...我問男經理其實當晚幾點收....好nice o既男經理話我知...平時佢地唔會收咁夜...因為除夕...唔想客人掃興...於是延長服務至1am...果然夠彈性+細心...其實當晚我地又BBQ又飲紅酒都攪到過晒1am....不過佢地都完全冇意欲叫我地走...反而係我地唔好意思阻住人收工就真....lee方面真係抵讚
2. 侍應經理們服務殷勤....當我地一坐低...侍應們就幫我地倒茶....仲介紹lee種茶係粟米茶+麥茶...果然係好地道o既韓國餐廳...因為愛韓國o既我...去韓國一定會買粟米茶飲...因為清熱又0脂肪...hehe...而且就算佢地忙到分身不下但係仍然好勤力地幫我地換碟、加茶...燒BBQ又會幫我地剪到靚靚 (燒牛肋骨)...又會細心介紹點樣先食得正宗....
食物水準
評分: + = 4.5分
(因為只可以upload 8張相...所以唔可以樣樣餸都show比大家睇)
唔比滿分係因為我覺得要比佢地有進步o既空間...下次再o黎食o既時候....希望發現更多更多好野...
前菜
評分:
有6道前菜...其中一道好有份量...我叫佢做"碎牛肉餅"...好味....平時我地o係韓國餐廳食o個d都不外乎係炮菜, 豆芽, 咸魚仔 etc...lee道正野真係第一次見...牛肉整得好碎...但係唔似中式牛肉球咁一pat....碎之中有一粒粒o既感覺...加上味道甜甜...做開胃前菜唔錯...(不過經理話唔係成日整...前菜菜式會成日轉....hehe....we re lucky....)
6道前菜外仲附上南瓜粥 + 沙律 (伴橙汁)各1份...又係第一次見前菜咁有特色咁有Heart...雖然南瓜粥份量小小...不過好滑、好清仲有淡淡南瓜味...good!....沙律 (伴橙汁)...醒胃...份量剛剛好...
主菜
1. BBQ燒烤 Excellent!!
評分:
我地點左醃牛肋骨, 冇醃牛肋骨, 辣醤五花腩, 帶子, 雞肉, 八爪魚...
樣樣都係水準之上...份量仲比我想像中多多多...既驚喜又抵食!!
個人心水係醃牛肋骨, 帶子同八爪魚...
2. 辣豆腐湯
評分:
辣豆腐湯係會配飯....夠正宗....
o係韓國...我最愛就係吃辣豆腐湯....亦試過香港多間韓國餐廳o既出品....本人總覺得入面o既豆腐同我o係韓國食o既差好遠...韓國o既辣豆腐湯入面o既豆腐幼滑程度就好似食山水豆腐花咁有o既滑一滑o既感覺...o係lee度...我終於搵到喇...真係好有韓國o既感覺....唯一美中不足o既係...o係韓國...打生蛋lee個步驟係自己親力親為...可能因為fine dining o既關係...所以佢幫你打埋...不過我都係鍾意自己打蛋....總覺得會正d....hehe
3. 牛肋湯
評分:
牛肋湯配飯....夠正宗....
牛肋湯用料十足...湯夠清甜...唔係一般滾湯o既感覺....用料大概有牛肋骨, 大大隻o既菇片, 蘿蔔, 韓國粉絲...平時食韓國野樣樣都會帶一點點辛辣...所以lee個湯絕對可以解解辣....
4. 炒年糕...我叫左2款...唔記得名...只記得有一款係辣一款唔辣
評分:
2款都係附合水準之作....要比較...我會喜歡吃辣炒年糕...因為o係韓國食炒年糕都係辣o既...而且味道更濃...arm晒我lee d鍾意食濃味o既人....
5. 什錦炒粉絲
評分:
好正宗...同我去韓國食o既味道一樣!!...韓國粉絲入味、有淡淡o既麻油香...乾身之餘仲唔會食到成口油....Perfect!!!
6. 炆牛肋骨
評分:
牛肋骨炆得好入味、lum身仲帶點肉汁....絕對感覺時間掌握得剛剛好...可見師父功力有一手...
7. 海鮮餅
評分:
大大份...用料足...因為味道本身屬於淡...要沾醤先arm濃味精o既我...不過不失....
張貼
