一鍋堂 (XX Arcade) (已結業)

收工同朋友去到旺角，見好耐冇打邊爐，所以去去食一鍋堂🙆🏻‍♀️旺角呢間分店位置都方便易搵，餐廳入面都幾大，平日去到好快就有位，先選擇套餐同湯底，任食套餐有ABC三個，價錢相差唔多，我哋揀咗B有安格斯牛肉，封門柳同牛脷心托，如果想食澳洲M5和牛就要揀C餐啦😉湯底選擇非常之多，鴛鴦鍋就要另外加錢🫣我哋揀咗喇沙湯底，喇沙味重但唔會好重椰奶味😋枱面已經放定一樽雞湯俾你自己加湯🙆🏻‍♀️提供QR code電子落單，夠鐘前半小時會停，店員到時都會提一提你👍🏼自助區有火鍋醬料，幾個大雪櫃有唔同嘅蔬菜同飲品，當然仲有一鍋堂自家製嘅養生飲品🙆🏻‍♀️對面有少少丸類，熟食，麵同沙律🥗仲有炒飯同麻辣鴨血，電子落單都有鴨血可以叫🤤美國安格斯牛肉非常鮮紅，雪花均衡，牛脷心托薄切都好靚🙆🏻‍♀️另外手打嘅肉丸都好食可以一試，推得推介嘅100%濃汁爽彈牛丸有驚喜，彈牙得嚟入口爆汁，味道濃郁😋最後出去拎埋自助雪糕🍦順滑又好重嘅牛乳味，非常滿足👍🏼