BAKE Cheese Tart (已搬遷) 新店位置

今日下午我們去咗銅鑼灣崇光百貨行街嗰陣，突然覺得有啲啲肚餓，諗住買啲小食，所以我們去咗地庫超市睇吓買咩食，行過見到由開張至今都大排長龍嘅「Bake Cheese Tart」今日唔算太長排，所以就即刻撲去買他們嘅招牌新鮮烘焙芝士撻嚟食！他們嘅芝士撻焗得外層好金黃鬆脆，撻皮餅底係牛油曲奇，一咬開入面嘅芝士餡係流心㗎，質感極之香濃軟滑，外脆內軟滑，芝士嘅味道非常芳香，味道唔會過甜同唔會有好膩嘅感覺，真係超好味呀！