影片
更多
2021-04-07
271 瀏覽
尋日同朋友去黃金海岸酒店stay咗晚，夜晚決定試下呢間想試好耐又有良心嘅餐廳🤤因為朋友比較細食，所以建議只喺秋香叫一個飯，我哋就叫咗白鱔煲仔飯，店員都好好人叫我哋留低電話號碼拎得再call我哋。於是我哋就去咗超市行下，就買咗2個杯麵，聽朝做早餐。一買完餐廳就打俾我哋可以拎喇，拎嘅時候見冇俾餐具，朋友就問佢哋攞2套餐具，始終我哋都會share食，店員都表示冇問題，即刻去拎俾我哋。等梗俾餐具嗰時，企喺門口冇著制服唔知係咪老闆嘅物體就講：乜「咁」畀面叫「一」～個飯呀！佢個語氣係相當腰潤😡朋友就答佢：夠食架喇 食唔到咁多我就係咁咦答：係呀 試下好冇味嘛但其實真係有hard feeling, 點解買個飯都要俾人串？唔知佢係咪見到我哋拎住啲杯麵覺得我哋唔肯喺佢度買2個飯好cheap？但佢又唔會知我啲杯麵係第二日嘅早餐嚟🤷🏻♀️如果係因為成本問題覺得我唔應該買一個飯攞兩套餐具嘅話，其實佢可以收返錢，我哋ok架。如果係因為環保問題，其實佢都可以直接講。總之佢宜家呢個咁串嘅態度就係最唔OK嘅處理方法，令人未食飯已經一肚氣啦。上到酒店開個飯嚟食，係真係好食嘅🤤啲白鱔脆脆地又夠滑，不過都好似佢老細講嘢咁多骨
尋日同朋友去黃金海岸酒店stay咗晚，夜晚決定試下呢間想試好耐又有良心嘅餐廳🤤
因為朋友比較細食，所以建議只喺秋香叫一個飯，我哋就叫咗白鱔煲仔飯，店員都好好人叫我哋留低電話號碼拎得再call我哋。
於是我哋就去咗超市行下，就買咗2個杯麵，聽朝做早餐。
一買完餐廳就打俾我哋可以拎喇，拎嘅時候見冇俾餐具，朋友就問佢哋攞2套餐具，始終我哋都會share食，店員都表示冇問題，即刻去拎俾我哋。
等梗俾餐具嗰時，企喺門口冇著制服唔知係咪老闆嘅物體就講：乜「咁」畀面叫「一」～個飯呀！
佢個語氣係相當腰潤😡
朋友就答佢：夠食架喇 食唔到咁多
我就係咁咦答：係呀 試下好冇味嘛
但其實真係有hard feeling, 點解買個飯都要俾人串？
唔知佢係咪見到我哋拎住啲杯麵覺得我哋唔肯喺佢度買2個飯好cheap？但佢又唔會知我啲杯麵係第二日嘅早餐嚟🤷🏻♀️
如果係因為成本問題覺得我唔應該買一個飯攞兩套餐具嘅話，其實佢可以收返錢，我哋ok架。
如果係因為環保問題，其實佢都可以直接講。
總之佢宜家呢個咁串嘅態度就係最唔OK嘅處理方法，令人未食飯已經一肚氣啦。
上到酒店開個飯嚟食，係真係好食嘅🤤啲白鱔脆脆地又夠滑，不過都好似佢老細講嘢咁多骨。
飯上面有啲燒汁，撈埋隻蛋食一流。認真講每食一啖都有滿足嘅感覺。我一路食一路係咁講「好好食呀」😆
不過我哋都真係食唔晒個飯，一個飯都食唔晒，唔知阿老闆係咪想我哋照叫兩個飯做大嘥鬼先至夠畀面佢呢？
攤唞咗一陣之後我都唔想嘥嘢，又過去食下個飯，啲鱔凍咗都唔會好腥，只係冇咁脆口，整體來講凍咗都仲係幾好食，但係就好油淋淋了。所以到最後都冇食晒成個飯。
其實秋香嘅煲仔飯真係幾好食😋 但係嗰位疑似老闆嘅店員講嘢真係太過分😡我哋無端端俾錢買難受咁，如果佢真係老闆嘅話更加要注意下自己嘅言行，甚至要改變佢呢個覺得2個人買一個飯就係cheap係r佢着數嘅諗法。我見佢哋真係所有外賣盒同埋餐具都冇收錢嘅，如果真係咁着緊啲餐具嘅錢，絕對可以考慮吓加返錢，相信冇人會為咗慳果幾蚊，而寧願俾人串。見佢係💛所以費事比負評，希望會改善下啦
張貼
