越男仔 (已搬遷) 新店位置

看到報章介紹所以去試，去到門口坦白講有啲失望，好細間之餘，全部都係Bar檯，兩至三人食就可以，多幾個就唔太適合了。椰汁酸湯金邊粉，配雞絲扎肉，有椰香，又酸酸地，好開胃，而且幾特色，食下食下會連碗湯都飲哂！好味道！蕃茄四寶檬粉，個湯好杰好濃，太膩了，食多幾啖覺得有啲辛苦，而且啲肉全部都好咸，個人不太喜歡這個！芝士蝦多士，超熱辣辣新鮮整，好香脆，包是非常的薄，主要是蝦膠，夾住溶化了的芝士，好正！但一定要趁熱食，凍左就覺得好油！蜜糖凍蕃茄，個汁似係韓式柚子蜜，幾得意，但唔食都唔可惜。