巴希雅海灣重慶燒烤

營業中

休息中

難得假期又好天，今日就同屋企人入大埔BBQ, 今次呢間我地未去過的，係朋友介紹， 因我今次唔想係用燒烤叉那種BBQ, 係想燒重慶燒，一細串那種。呢到入場後會有蝦，蜆，菠蘿，香蕉一份比大家，野飲每人包一支， 其他食物就任燒任食。今次我超開心，因為去燒野食我最喜歡多春魚，但自己吉永遠都整得唔好，燒到條魚斷左咁呀。但呢到吉好一串串，我負責燒加上d 孜然粉，辣椒粉已經好惹味。另外呢到的牛柳串，羊架，雞翼都好正， 海鮮又新鮮， 蒜蓉包燒兩下就已經好脆， 呢到有原條茄子夠哂正。差唔多食飽，燒最後的香蕉， 工作人員好細心，拎香蕉時已經提我地燒完後拎出來加朱古力醬。呢到幾好，每張枱都有風扇提供，仲有幾個洗手位，岩哂我呢d怕痴立立的人， 呢d細心位唔係間間做到。