影片
更多
2017-07-25
4384 瀏覽
今日休假，約左個好耐無見嘅好朋友食lunch, 梗係要搵個好地方，有好野食，又可以慢慢傾計，book 左呢間蟹道野田，期盼住呢餐精緻嘅毛蟹懷石料理。地方唔大但座位闊落，餐具亦非常講究。叫左680蚊嘅 mini kaiseki set, 第一道上枱是刺身，毛蟹茶碗蒸同頭盤，刺身今日係池魚王同吞拿魚，非常新鮮肥美。毛蟹茶碗蒸有一隻毛蟹蟹肉一齊蒸，d蛋好滑好香，仲有蟹肉鮮味，底部有白果同冬菇，所以香味十足。頭盤有山芋豆腐，涼拌菠菜，西瓜造型嘅明太子，炸蝦，同炸銀魚仔餅。造型精美考心思，用盡新鮮日本食材，味道細膩清新，係日本懷石料理嘅精髓。鮟康魚質素非常高，肉質滑嫩帶少少彈牙，肉汁滿溢，味道鮮甜，伴醋酸汁同茄子好夾。天婦羅併盤熱辣辣上枱，天婦羅帝皇蟹腳是一絕，鮮甜度爆登，,外脆得黎內裡都保持到好 juicy , 回味無窮。燒鱈魚伴煮蕃薯，鱈魚魚香夠香濃，日本蕃薯嘅香甜正好中和鱈魚油膩感。到毛蟹釜飯上枱，日本籍師傅為我地介紹，將毛蟹肉同飯伴好上碗，蟹肉香氣四溢，伴甜醬油同蔥，飯粒粒粒晶瑩軟濡，每人分到兩碗，飽足。甜品時間，雜果啫喱呢個劣食名稱嘅印象完全洗清，因為呢個雜果啫喱用上鮮甜當季嘅日本白
地方唔大但座位闊落，餐具亦非常講究。
叫左680蚊嘅 mini kaiseki set, 第一道上枱是刺身，毛蟹茶碗蒸同頭盤，刺身今日係池魚王同吞拿魚，非常新鮮肥美。毛蟹茶碗蒸有一隻毛蟹蟹肉一齊蒸，d蛋好滑好香，仲有蟹肉鮮味，底部有白果同冬菇，所以香味十足。
頭盤有山芋豆腐，涼拌菠菜，西瓜造型嘅明太子，炸蝦，同炸銀魚仔餅。造型精美考心思，用盡新鮮日本食材，味道細膩清新，係日本懷石料理嘅精髓。
鮟康魚質素非常高，肉質滑嫩帶少少彈牙，肉汁滿溢，味道鮮甜，伴醋酸汁同茄子好夾。
天婦羅併盤熱辣辣上枱，天婦羅帝皇蟹腳是一絕，鮮甜度爆登，,外脆得黎內裡都保持到好 juicy , 回味無窮。
燒鱈魚伴煮蕃薯，鱈魚魚香夠香濃，日本蕃薯嘅香甜正好中和鱈魚油膩感。
到毛蟹釜飯上枱，日本籍師傅為我地介紹，將毛蟹肉同飯伴好上碗，蟹肉香氣四溢，伴甜醬油同蔥，飯粒粒粒晶瑩軟濡，每人分到兩碗，飽足。
甜品時間，雜果啫喱呢個劣食名稱嘅印象完全洗清，因為呢個雜果啫喱用上鮮甜當季嘅日本白桃同日本蜜瓜，水果質素非常高，蜜瓜入口即溶，香甜於口裡炸開，仲有兩顆煮到好淋嘅黑豆，係一餐完美難忘嘅句號。
張貼
