素食新一代 (已結業)

今日去開荃灣做頭髮，整完先至去食個late lunch，想食返D清清哋嘅嘢，上open rice搵到附近荃昌呢間素食新一代。全包5餸飯只係$40，叫咗少飯。5餸係：一塊素肉、煎蛋、南乳蓮藕、炆薯仔、炒椰菜。黃黃哋色嘅南瓜湯味道清淡，湯裡面有好多南瓜蓉，不過不失啦素肉係現成貨色，輕煎一下，無特別。煎蛋正常有蛋香，OK咁啦。南乳蓮藕：蓮藕爽嘅，唔係粉個種，個人都係喜歡粉嘅口感。炆薯仔最普通，唔想晒嘢先至食埋佢。炒椰菜係最好食嘅啦。總的來說，大堆頭，有湯、有飯'、幾樣餸。