影片
更多
2024-02-10
461 瀏覽
今次介紹嘅「燒肉 LIKE」植物肉餐，其實都唔新㗎喇，但真漢子拖咗咁耐終於都試到喇。😆印象中佢哋嘅供應唔太固定，所以先打電話問比較穩陣（餐牌本身都冇印到植物肉餐）。Next 牛五花 & Next 橫隔膜肉 （共 100g）套餐 $78，包幾片生菜，沙律，白飯（細中大同價）。加錢可轉其他選項，唔包飲品。🙂未食過嘅我見到果幾片肉，第一印象係覺得好食極有限，但燒熱咗放入口，真係覺得好正，尤其燒到燶燶地，入口熱到辣親條脷嘅感覺真係好爽（okay 我知食燶嘢冇益 😂😂）。肉其實係遠睇似，近睇就似一塊腐皮。塊肉醃得好好味，所以燒熱咗食係超惹味。值得一讚白飯係凍凍哋，唔係曲線，但食咗一塊熱嘢再加啖凍凍哋嘅白飯，真係 perfect 池。🤩醬汁我就試咗胡麻醬同辣味噌醬，胡麻醬冇咩驚喜，但辣味噌醬同呢個 Next 植物肉我覺得好夾，好好食呀。😋一路燒肉一路食覺得幾好玩，想 kill time 可以逐塊燒，心急想食就掉哂落爐度再慢慢管理 😅。本來諗住幾十蚊試下嘅我，因為覺得好好食，所以都 encore 咗份 Next 橫隔膜肉，不過話時話，無論視覺上定味覺上，完全唔覺牛五花同橫隔膜肉有咩分別，有冇食過又分
印象中佢哋嘅供應唔太固定，所以先打電話問比較穩陣（餐牌本身都冇印到植物肉餐）。Next 牛五花 & Next 橫隔膜肉 （共 100g）套餐 $78，包幾片生菜，沙律，白飯（細中大同價）。加錢可轉其他選項，唔包飲品。🙂
Next 牛五花 & Next 橫隔膜肉套餐
$78
29 瀏覽
0 讚好
0 留言
未食過嘅我見到果幾片肉，第一印象係覺得好食極有限，但燒熱咗放入口，真係覺得好正，尤其燒到燶燶地，入口熱到辣親條脷嘅感覺真係好爽（okay 我知食燶嘢冇益 😂😂）。
肉其實係遠睇似，近睇就似一塊腐皮。塊肉醃得好好味，所以燒熱咗食係超惹味。值得一讚白飯係凍凍哋，唔係曲線，但食咗一塊熱嘢再加啖凍凍哋嘅白飯，真係 perfect 池。🤩
Next 牛五花 & Next 橫隔膜肉套餐
$78
38 瀏覽
0 讚好
0 留言
醬汁我就試咗胡麻醬同辣味噌醬，胡麻醬冇咩驚喜，但辣味噌醬同呢個 Next 植物肉我覺得好夾，好好食呀。😋
一路燒肉一路食覺得幾好玩，想 kill time 可以逐塊燒，心急想食就掉哂落爐度再慢慢管理 😅。本來諗住幾十蚊試下嘅我，因為覺得好好食，所以都 encore 咗份 Next 橫隔膜肉，不過話時話，無論視覺上定味覺上，完全唔覺牛五花同橫隔膜肉有咩分別，有冇食過又分得到嘅高手可以分享吓？😜
Next 牛五花 & Next 橫隔膜肉套餐
$78
11 瀏覽
0 讚好
0 留言
落單係自助 QR code, 而且係即時用電子支付比埋錢，不過佢支援大部份主要嘅系統例如 PayMe，支付寶同八達通，所以都好方便。☺️
有咗呢個植物肉餐，素友都可以重拾 BBQ 嘅樂趣，而且唔使約朋友可以隨時食，太偉大 🥰。不過當然現場 99.9% 嘅客人都係食緊真肉，相信未必所有素友都可以接受到㗎。🥹🥹
張貼
