貴川風味館 (已搬遷) 新店位置

一直以嚟都好鍾意食米線，今次朋友提議去呢間貴川，話呢間好好味，就試試佢。朋友推界豬頸肉紅薯粉，即刻跟機！（走咗蔥同韮菜）紅薯粉，好，好，食！紅薯粉透明，粗過筷子少少，滑捋捋又彈牙又有少少咬口，本身我鍾意食米線多啲，呢度嘅紅薯粉令我以後嚟到呢間都淨係想食紅薯粉😂豬頸肉唔係一片片，係切成粗條，味道酸酸甜甜，幾惹味。叫咗酸辣湯底，叫咗小辣，果然周圍嘅酸辣都唔同，呢間係紅色好似好辣咁，一開始唔算辣，食到差唔多最後就幾辣，總體都惹味不過唔適合就咁飲兩啖。