2派克雞排

營業中

休息中

上興趣班前，去咗紅磡一間最近超人氣嘅台式炸雞買外賣。我估唔到超多人排隊要等成20分鐘先至拎到食物。果然人氣極高。價錢仲要超抵食脆皮杏鮑菇 $22杏鮑菇夠大舊，份量好多，肉身非常多水，唔會炸到乾晒。再加埋脆皮包住杏鮑菇，外邊鬆脆，裏面軟而爽，口感非常好。襯上麻辣粉，不錯，攤凍咗嘅杏鮑菇更有菇味。脆皮無骨雞排 $38一拎出來，雞排超大塊有手掌咁大，好抵食。外面嘅脆皮非常鬆脆，包住無骨雞排，就算食到一半，脆皮唔會同雞排分開，值得讚！👍🏻雞排好鬆，肉質好彈牙唔鞋，好有雞味。加埋梅粉同海苔粉，更突出雞嘅鮮味。比某台灣最出名嘅x大大更好食。女仔嚟講食完一塊，已經可以當晚餐。脆皮百頁豆腐 $24百頁豆腐選咗咖喱粉，估唔到幾好食，唔覺辣只有香。 食落去嘅豆腐口感好似魚蛋，唔知以為自己食緊咖喱魚彈，但係豆腐味。脆皮包住豆腐，好有層次、口感好豐富。百頁豆腐唔會食到脹胃同濟。好想食完一粒再添食。下次再上興趣班前都會返嚟再試埋其他台式小食。