滿堂樂滬京風味

營業中

休息中

去紅磡搵食真係一啲都唔容易，因為紅磡嘅餐廳選擇多，花多眼亂，根本唔知揀咩好！如果好似我哋咁，跨區嚟搵食，就更擔心錯過好味嘅餐廳。嚟到滿堂樂滬京風味，門外已經有一條長長人龍，應該係唔錯選擇。粢飯即叫即包，所以拎上手熱辣辣。粢飯大大隻，餡料有肉鬆、炸菜同油炸鬼，充滿口感。略嫌酸嘅比例較多，如果你鍾意酸味重，呢碗酸辣麵應該會好啱你胃口。麵底可揀上海中麵、上海幼麵、米線或粉絲，我就揀咗上海中麵，雖然上海中麵較其他麵粗，但掛湯一流。同樣可以揀唔同嘅麵底，呢碗鎮江排骨麵就揀咗上海幼麵。鎮江排骨份量唔少，肉質軟腍又入味，值得推介。