影片
更多
2020-10-04
113 瀏覽
早幾日約咗朋友食午餐我哋去到紅磡新開嘅日本餐廳試新嘢店內裝修以木質為主好簡約 有點無印風不論係飯類、主菜、前菜、熱食的款式都有好多選擇有張紙仔比你可以自己剔選想食嘅嘢好似食車仔麵咁😝今次我哋叫咗：明太子飯 $22漬物/味噌湯 $8櫻花蝦味噌漬飯 $22白味噌慢煮石斑柳 $68月見博多地雞團子 $46醬煮糖漬紅薯 $24芝麻醬秋葵 $18米氣雪糕 $28焦糖布丁 $28🍚先講飯，日本珍珠米，煙韌有黏性有咬口。明太子份量唔少，味道唔錯，但我比較推介櫻花蝦味噌漬飯，櫻花蝦香味濃，被味噌醃過，送飯一流！🥗前菜簡咗芝麻醬秋葵，口感爽脆，同麻醬好夾。另一款係醬煮糖漬紅薯，哩款口感比較乾，唔夠軟綿，糖漬亦唔太夠味，哩款一般。🥘主食是月見博多地雞團子好好味！外層炸過香脆，內裡係juicy 嘅雞肉漢堡，配燒汁同生蛋黃，超正！朋友嘅白味噌慢煮石斑柳唔算入味，肉質都有點鬆散。🍦甜品嘅米氣雪糕，米味嘅雪糕唔算太甜，面頭有脆脆咸咸嘅米通，雙重口感，特別得嚟又好食，推介！🍮我嘅焦糖布丁，布丁好Q好滑，有蛋味，焦糖非常香，而且幾大杯，抵食！➖➖➖➖➖➖➖➖➖➖➖➖➖➖➖🔶整體食物味道係中上，好有日本地道風味，感覺幾
早幾日約咗朋友食午餐
我哋去到紅磡新開嘅日本餐廳試新嘢
店內裝修以木質為主
好簡約 有點無印風
不論係飯類、主菜、前菜、熱食的款式
都有好多選擇
有張紙仔比你可以自己剔選想食嘅嘢
好似食車仔麵咁😝
今次我哋叫咗：
明太子飯 $22
漬物/味噌湯 $8
櫻花蝦味噌漬飯 $22
白味噌慢煮石斑柳 $68
月見博多地雞團子 $46
醬煮糖漬紅薯 $24
芝麻醬秋葵 $18
米氣雪糕 $28
焦糖布丁 $28
🍚先講飯，日本珍珠米，煙韌有黏性有咬口。明太子份量唔少，味道唔錯，但我比較推介櫻花蝦味噌漬飯，櫻花蝦香味濃，被味噌醃過，送飯一流！
🥗前菜簡咗芝麻醬秋葵，口感爽脆，同麻醬好夾。另一款係醬煮糖漬紅薯，哩款口感比較乾，唔夠軟綿，糖漬亦唔太夠味，哩款一般。
🥘主食是月見博多地雞團子好好味！外層炸過香脆，內裡係juicy 嘅雞肉漢堡，配燒汁同生蛋黃，超正！朋友嘅白味噌慢煮石斑柳唔算入味，肉質都有點鬆散。
🍦甜品嘅米氣雪糕，米味嘅雪糕唔算太甜，面頭有脆脆咸咸嘅米通，雙重口感，特別得嚟又好食，推介！🍮我嘅焦糖布丁，布丁好Q好滑，有蛋味，焦糖非常香，而且幾大杯，抵食！
➖➖➖➖➖➖➖➖➖➖➖➖➖➖➖
🔶整體食物味道係中上，好有日本地道風味，感覺幾健康，同埋佢哋嘅玄米茶都好香幾好飲，會再去試其他款菜式。
➖➖➖➖➖➖➖➖➖➖➖➖➖➖➖
張貼
