牛站(駅)麻辣火鍋放題

營業中

休息中

觀塘道1亞太中心6樓全層呢間牛站火鍋放題地方相當大，大部分坐位都以屏風分隔增加私隱度，用餐體驗更加高分，先選好套餐再入座選湯底，湯底本身已有一定濃郁，可再加上湯或清水。美國極黑和牛SRF脂肪較少，肉質結實有咬口牛味好香濃，安格斯牛板腱就較腍滑，牛肩胛脂肪比例較多，仲有封門柳都係火鍋極佳選擇。任食海鮮，任食火鍋除咗海蝦更有近期大熱嘅大頭蝦都係任點任食，蝦肉結實有彈性，不斷加單。仲有凡立貝、墨魚、螺片等海鮮，全部都好新鮮。自助區有更多火鍋配料選擇，真心推介台式肉丸，同出面散叫幾十蚊碟不相上下，有水魷魚、牛百葉，多款蔬菜新鮮翠綠。餐前小食炸物又有生果，飲品有市面熱門飲料，啤酒汽水，自家茶飲，清酒梅酒，Häagen-Dazs 雪糕任食。最喜愛嘅芝麻雞翼同紅燒乳鴿皇，每次食放題都要食幾隻，原因好簡單就係好好食，即叫即炸乳鴿入味炸到外皮香脆，裏面熱辣辣超級嫩，好食過好多酒樓出品。