影片
更多
2022-08-27
22 瀏覽
屯門紅橋不嬲出名多好野食，今次經過見到一間好特色食烏冬同嘆咖啡嘅小店，個門口好特別，有日式嘅燈籠🏮仲有鬼面面具printing👹，即刻排隊試下😻小店入面個環境都好特色，好多鬼面面具同埋櫻花，好有日本嘅感覺🫶🏻入黎食之前店主會介紹一下佢地嘅menu，又會介紹下個湯底、飲品、甜品大概嘅製造配料同埋口味👍🏻 上菜後都有介紹佢地跟餐前菜嘅整法，完全feel到佢地嘅熱誠～🥢明太子蟹子沙律 - 前菜佢地將明太子壓成餅，再切粒，時候加左芥末沙律醬，食落好爽口🤤同埋個芥末沙律醬香得黎完全唔會貢鼻！🥢鹽漬櫻葉紅豆果子🫘 - 前菜店主建議櫻葉包住果子一齊食，食落會鹹鹹甜甜咁，好特別😋🥢頂立海·鰹昆魂🦐🐟 $95好可惜我地太夜先去到，好多配料都賣晒，所以就轉左全部都係蝦，但蝦係有燒過，食落有火炙味😍鰹魚湯好清甜配埋彈牙烏冬好味😋🥢鬼·頂立海·海老魂🦐🦞 $110比較推介海老魂湯，係用龍蝦同埋蝦殼煮成，好濃味😍我地最後飲晒個湯！另外呢個係多左個大大塊嘅腐皮豆卜，吸收晒個湯，食落甜甜地🥰🍹Lemonade🍋 $50呢款飲品係小店自製㗎😻係用檸檬汁、檸檬皮、豆蔻，水仲有砂糖發酵，最後打氣入罐～飲落唔會太酸但又好有
屯門紅橋不嬲出名多好野食，今次經過見到一間好特色食烏冬同嘆咖啡嘅小店，個門口好特別，有日式嘅燈籠🏮仲有鬼面面具printing👹，即刻排隊試下😻小店入面個環境都好特色，好多鬼面面具同埋櫻花，好有日本嘅感覺🫶🏻入黎食之前店主會介紹一下佢地嘅menu，又會介紹下個湯底、飲品、甜品大概嘅製造配料同埋口味👍🏻 上菜後都有介紹佢地跟餐前菜嘅整法，完全feel到佢地嘅熱誠～
🥢明太子蟹子沙律 - 前菜
佢地將明太子壓成餅，再切粒，時候加左芥末沙律醬，食落好爽口🤤同埋個芥末沙律醬香得黎完全唔會貢鼻！
🥢鹽漬櫻葉紅豆果子🫘 - 前菜
店主建議櫻葉包住果子一齊食，食落會鹹鹹甜甜咁，好特別😋
🥢頂立海·鰹昆魂🦐🐟 $95
好可惜我地太夜先去到，好多配料都賣晒，所以就轉左全部都係蝦，但蝦係有燒過，食落有火炙味😍鰹魚湯好清甜配埋彈牙烏冬好味😋
🥢鬼·頂立海·海老魂🦐🦞 $110
比較推介海老魂湯，係用龍蝦同埋蝦殼煮成，好濃味😍我地最後飲晒個湯！另外呢個係多左個大大塊嘅腐皮豆卜，吸收晒個湯，食落甜甜地🥰
🍹Lemonade🍋 $50
呢款飲品係小店自製㗎😻係用檸檬汁、檸檬皮、豆蔻，水仲有砂糖發酵，最後打氣入罐～飲落唔會太酸但又好有檸檬味，而且甜度啱啱好，飲完好開胃😽連個罐都係自己設計，好有heart🫶🏻
☕️Cold brew $50
咖啡好香，會有堅果味同vanilla味～
店主教我地飲咖啡嘅原味，之後飲湯，再飲咖啡，個咖啡會唔同味，而且會放大個湯嘅鮮味😛好得意
🍮燒布丁 $65
呢個布丁係昭和個款，所以個上面蛋食落會比較厚實，而且下面係一層蛋糕，份量都大，而且好重焦糖味🤤
🍰Daily Special - 抹茶巴斯克蛋糕 $65
呢款蛋糕抹茶味好重，抹茶味濃得黎唔會過苦，食落綿密同濕潤😻而且好足料，建議兩個人share～
P.S. 小店座位比較少，建議預早去排隊😽
同店主傾計知道佢地之後會轉menu，加入自家製豬骨湯底同埋豚肉，之後會再黎試下新menu同埋今次食唔到嘅tiramisu😍
張貼
