貴族甜品 (元州街)

營業中

休息中

呢日外賣自取app又有做$8優惠，指定款式係紅棗雪蓮子燉桃膠(原價$43)。我食晏時成日會經過呢間糖水舖，但佢2點先開，所以未有機會試過。今日有優惠，就一於偷走買幾碗同同事食下🙈。3點到去到舖頭，無乜人，都唔奇嘅，學生又未放學。店員阿姐好熟悉用部外賣機😂，唔錯，基本上唔使點等，就已經有得拎。糖水非常熱辣辣👍，唔係攤凍哂。等嘅期間，我係咁宜揭下個menu，見到都幾多選擇，有港式有中式，定價都唔平。拎到返office都仲係熱的，但個兜出面好似瀉咗啲，有啲黐立立...。打開見到個糖水都清清地，用個匙羹撩起，係見到有唔少材料嘅，紅棗、杞子、龍眼肉、雪燕、桃膠同皂角米，不過好似有啲料唔係好浸得開😅，桃膠同雪燕仲係一大餅/嚿，煲開咗唔應該係咁。再者，更恐怖係個糖水真係甜到起痰😖😖😖，太誇張了，好彩後尾加咗啲熱水就好啲。總括嚟講，如果齋講呢碗糖水，就真係麻麻地，係幾多料，但太太太太太甜😑，加上啲料未發得起哂，不過以優惠價嘅價錢諗，都接受嘅。至於其他甜品原價都唔太平，無乜特式嘢，環境又好一般，所以未必會嚟食，相信同區會有其他更好嘅選擇。