Opa Mediterranean Bar and Bistro (已結業)

✨Traditional Greek lamb moussaka 希臘羊肉千層茄子第一次食希臘既菜餚，開頭以為會好濃味，但發現又唔會。上面放左好多芝士，而入面既餡除左有羊肉、茄子之外，仲有好多三色椒、菇菌等，所以食落唔會好滯，口感同層次都好豐富。✨Mixed seafood skewers 海鮮串燒係呢到既signature dish黎，差唔多每檯都有叫一份。上面有大蝦、三文魚、吞拿魚等，再加上三色椒、洋蔥、墨西哥辣椒等，食落好有風味。魚類煮得啱啱好，肉質嫩滑亦唔會鬆散，大蝦彈牙鮮甜。每份串燒都會跟2塊pita bread，不過個人覺得同羊肉千層茄子仲夾！✨Casablanca係以rum為基酒既cocktail，再加上mint、青瓜、菠蘿汁等等，飲落酸酸甜甜，好開胃。最特別既係佢用左個好多異國特色既杯，最啱拎黎影相！