Classy Le Carré

營業中

休息中

同男朋友去咗呢間Classy Le Carré食午餐。環境舒服，餐廳入面優雅嘅佈置更加顯示咗呢間餐廳嘅氣質，真係好靚。食物都係好好食，嗰日就同男朋友食咗佢哋嘅法式鄉村鐵鑊早餐同扁意粉，男朋友都食到讚不絕口。🇫🇷法式鄉村鐵鑊早餐🍳廚師將所有早餐都擺咗入鐵鑊度，好獨特嘅風味。有滑溜嘅炒蛋同埋港口蘑菇，比利時窩夫嘅口感外脆內軟，仲有少少鹹味，香脆嘅法包同炸薯餅，烤日本南瓜咬一啖，鹹甜可口，好特別嘅口感，好味嘅腸仔同埋番茄，最後用Yogurt做點綴，散發住微微嘅酸味同埋淡淡嘅奶香，好豐富嘅一份早餐。🦐櫻花蝦🧈蒜香牛油🦪蜆肉🍝扁意粉充滿濃郁嘅蒜香牛油香味，扁意粉吸收咗蒜香牛油嘅味道，鹹香味十足，口感都煙韌好食，仲有櫻花蝦有濃郁嘅鮮甜味，口感好幼細，蜆肉又肥美鮮甜又滑溜，好好味。