101台式休閒餐廳 (青衣城2)

營業中

休息中

由於返工必經青衣城，想食台式野時101就會係我嘅首選，首先要讚一讚，疫情期間全場枱與枱之間都用易拉架隔開，食得安心之餘亦多咗一份私隱度。套餐已包主食、小食及飲品，大部分$80有交易，今次我就揀左牛肉麻辣麻醬拌麵+鹽酥雞+珍珠奶茶，先講講拌麵，無論麵同牛肋條嘅份量麵好有誠意，牛肋條有小許乾但就好腍好入味，拌麵麻香十足撈埋青瓜一齊越食越開胃，鹽酥雞就正常發揮係賣相差啲啲，而珍珠奶茶又係以份量取勝，珍珠多到可以當甜品咁食。