一芳台灣水果茶 (已結業)

一向都好鍾意飲一芳嘅水果茶，成日去台灣都會飲。呢間分店新開張嘅時候我都飲過，味道始終不及台灣，覺得過甜。但係喺香港有分店係開心嘅，始終想飲都可以喺香港買到。今日經過想再試一次，點知結果都係令人好失望。今次已經特登叫少甜，但係都只係得個甜字！成杯水果茶竟然一啲百香果都冇，係一粒百香果核都見唔到，只係食到鳳梨渣⋯ 味道就好似水溝左好多好多糖咁，係一啲水果味都冇。同我平時飲開一芳嘅水果茶差天共地，俾咗$30買一杯糖溝水返嚟，實在令人十分失望！好希望佢哋可以有改進，唔好只係越做越差，因為水果茶始終係一芳嘅signature drink.