鳥海山鐵板燒 (已搬遷) 新店位置

長沙灣呢邊向來都小店林立，之前聽朋友介紹過呢間餐廳，今日走來試吓omakase啦！呢間舖頭裝飾都好有日系嘅風格，主要用木質嘅材料令到感覺好舒服。今日就揀咗呢一個鳥海山鐵板餐，套餐有唔同款式嘅食物，而且又有幾款海鮮，鵝肝多士都好吸引！重點推介以下呢三款，令我忘記唔到嘅美食！沙律是日精選刺身呢四款刺身作為一個頭盤開咗個靚頭，店員講解食法比我哋知，由light啲到味道濃烈，而且有兩款本身都帶有醬汁，所以唔使點wasabi 豉油都可以好鮮甜。活鮑魚活龍蝦呢個簡直係成餐飯既highlight，應該係用咗啲蝦膏煎呢隻龍蝦，所以每一啖肉都係有好creamy嘅蝦膏包裹住，真係從未食過煮得咁好食嘅龍蝦，令到我念念不忘！而且龍蝦嘅肉質彈牙，味道鮮甜，配埋蝦膏去煮佢原來可以咁好食！鵝肝多士呢個鵝肝多士都好邪惡，大大塊鵝肝同面包煎到外脆內軟，而且鵝肝仲係保持到好Creamy好香，而麵包都充滿牛油嘅香氣，夾埋一齊食好滿足好幸福，減肥什麼的都唔記得啦！牛肉薄燒野菜、炒飯、味噌湯仲想讚吓佢哋嘅員工真係好Nice好friendly,見到有客人問佢哋選餐意見，佢哋好細心同埋好留意到客人嘅需要去作出推薦，呢樣嘢真係好貼心