井巷子 by 鋒膳 (已結業)

仲有唔夠一個月就到中秋，又係時候買月餅孝敬兩老，傳統月餅較高膽固醇無咁健康，所以一於買近年興起嘅奶黃月餅，比較多家月餅後，決定買較為有特色嘅鋒膳北海道牛乳奶黃月餅。月餅包裝精美，標榜全手工製造，無添加防腐劑，食嘅時候建議輕微加熱。月餅一盒有六件，每件都係獨立包裝，非常衛生。一切開月餅，已經散發出陣陣奶黃香味，輕微加熱後香味更濃，入口口感鬆軟，加入北海道牛乳後，奶黃更為香滑，亦散發出鹹蛋微微鹹味，相較其他奶黃月餅，味道無咁甜，感覺上更為健康。