影片
更多
2021-01-26
154 瀏覽
餐廳：Tagline Restaurant and Bar (尖沙咀)地址：尖沙咀寶勒巷10號10 PRAT 4樓今次去咗尖沙咀寶勒巷樓上呢間開咗無耐嘅Tagline Restaurant and Bar，佢哋主打fine dining形式嘅印度菜，除咗餐廳優雅之外，亦俾你有一種高級用餐嘅享受，不過只係需要用一個正常嘅價錢就可以品嚐到😎，而餐廳嘅所有職員都係非本地人，包你品嚐到最地道嘅中東印度菜式🇮🇳Paav Bhaji Fondu $118呢一款食物有啲似我哋平時食嘅雪糕火鍋🫕，原理差唔多，不過就係用叉拮住竹炭印度麵包，然後輕輕浸落去用火滾住嘅瑪莎拉醬入面，瑪莎拉喺一種由多種香料混合而成嘅調味料，之後再撈埋洋蔥碎、青瓜碎同蕃茄碎一齊食🥰，真係食得又玩得。香脆嘅麵包加上爽口嘅清新嘅蔬菜粒，配合埋微辣香濃嘅醬汁，真係食完一粒又一粒冇停過口🙈Zaaluk $56將烤過嘅茄子蓉🍆，混入番茄同香料之中再整成醬，再放入去烘烤過嘅齋包當中，簡單而開胃，係一樣唔錯嘅前菜👍Shish Touk $108一嚟到就「嘩！」咗聲😍，兩串用咗阿拉伯香料醃製嘅雞肉三色椒串非常吸引🐔，職員教我地將兩串雞肉拆出嚟，
地址：尖沙咀寶勒巷10號10 PRAT 4樓
今次去咗尖沙咀寶勒巷樓上呢間開咗無耐嘅Tagline Restaurant and Bar，
佢哋主打fine dining形式嘅印度菜，除咗餐廳優雅之外，亦俾你有一種高級用餐嘅享受，不過只係需要用一個正常嘅價錢就可以品嚐到😎，而餐廳嘅所有職員都係非本地人，包你品嚐到最地道嘅中東印度菜式🇮🇳
Paav Bhaji Fondu $118
呢一款食物有啲似我哋平時食嘅雪糕火鍋🫕，原理差唔多，不過就係用叉拮住竹炭印度麵包，然後輕輕浸落去用火滾住嘅瑪莎拉醬入面，瑪莎拉喺一種由多種香料混合而成嘅調味料，之後再撈埋洋蔥碎、青瓜碎同蕃茄碎一齊食🥰，真係食得又玩得。香脆嘅麵包加上爽口嘅清新嘅蔬菜粒，配合埋微辣香濃嘅醬汁，真係食完一粒又一粒冇停過口🙈
Zaaluk $56
將烤過嘅茄子蓉🍆，混入番茄同香料之中再整成醬，
再放入去烘烤過嘅齋包當中，簡單而開胃，係一樣唔錯嘅前菜👍
Shish Touk $108
一嚟到就「嘩！」咗聲😍，兩串用咗阿拉伯香料醃製嘅雞肉三色椒串非常吸引🐔，職員教我地將兩串雞肉拆出嚟，之後撈勻埋佢哋嘅秘製醬汁同埋沙律菜，當中仲有唔少得番石榴同醋汁，估唔到食起上嚟開胃惹味😋，有啲似食緊調味過嘅雞肉沙律咁🥗，好有中東特色🇸🇦
Butter Chicken $128
食呢個無骨印度烤雞，職員建議我哋叫個包或者薄餅夾埋一齊食，所以就另外叫咗個Zaater Naan🫓 ($38)。印度烤雞用咗印度香料同酸奶將雞醃成紅色，再放入俗稱「taɴdūr」嘅泥窰入面烤製而成，醃料包括洋蔥🧅、蒜頭🧄、薑、蕃茄、腰果等。Zaater 喺指牛至、百里香、馬郁蘭、香薄荷等在內嘅一啲唇形科香草，另外一般仲有鹽膚木果、芝麻同鹽等材料混合而成再加落烤餅或者麵包上。用Naan包住啲肉嚟食雖然唔係最正宗嘅食法，但香料嘅配合真係令人讚不絕口🤤
張貼
