影片
更多
2023-01-19
1874 瀏覽
想食呢間好耐，見到餐廳最近仲有tea set ，梗係要飛甩男友同姊妹黎打卡👩🏻🤝👩🏼呢間開咗幾個月嘅新餐廳，座位於香港公園裡面，旁邊有人工湖同瀑布，好似身處大自然，聽住瀑布聲用膳，特別療愈🤩我地下午2:30 去到，已經可以享用3層架tea set，當中鹹、甜各佔一半💓High Tea Set ($488 for 2 / $268 for 1)❥ Pondside crabcakes頂層有三文魚籽，中間有薄蘿蔔片解膩下面係蟹餅，裡要蟹肉豐富，最底層仲有塊梳打餅❥ Risotto ball😋好驚喜嘅丸子，外邊係香脆嘅脆皮裡面係黑松露risotto，米粒口感煙靭，黑松露好香濃唔會太淋❥ Vegetarion spring roks較中式風味嘅春卷🫔，裡面有椰菜同紅蘿蔔絲，味道好清甜❥ Sandriches煙三文魚三文治🤩三文魚份量好多，質素唔錯，中間有少少香草提味❥ Shrimp cocktails大蝦大隻爽口，下面嘅🥑牛油果醬加咗香草🌿點綴大蝦，食落好香❥ Parma ham on cintsbupe🥓Ham唔算太新鮮，靠下面嘅蜜瓜搭救 ❥ Macarons有抹茶🍵同焦糖味，係外脆內軟
呢間開咗幾個月嘅新餐廳，座位於香港公園裡面，旁邊有人工湖同瀑布，好似身處大自然，聽住瀑布聲用膳，特別療愈🤩
我地下午2:30 去到，已經可以享用3層架tea set，當中鹹、甜各佔一半💓
High Tea Set ($488 for 2 / $268 for 1)
❥ Pondside crabcakes
頂層有三文魚籽，中間有薄蘿蔔片解膩
下面係蟹餅，裡要蟹肉豐富，最底層仲有塊梳打餅
❥ Risotto ball😋
好驚喜嘅丸子，外邊係香脆嘅脆皮裡面係黑松露risotto，米粒口感煙靭，黑松露好香濃唔會太淋
❥ Vegetarion spring roks
較中式風味嘅春卷🫔，裡面有椰菜同紅蘿蔔絲，味道好清甜
❥ Sandriches
煙三文魚三文治🤩三文魚份量好多，質素唔錯，中間有少少香草提味
❥ Shrimp cocktails
大蝦大隻爽口，下面嘅🥑牛油果醬加咗香草🌿點綴大蝦，食落好香
❥ Parma ham on cintsbupe
🥓Ham唔算太新鮮，靠下面嘅蜜瓜搭救
❥ Macarons
有抹茶🍵同焦糖味，係外脆內軟嘅口感，裡面都有傳統嘅甜夾心；抹茶味帶點回甘，比較喜歡；焦糖味略甜
❥ Panna cotta😋
士多啤梨奶凍嘅草莓味幾香甜，下面奶凍口感綿密幼滑，加入雲尼拿籽，整個味道好清香，甜而不假。頂層有草莓🍓、藍莓🫐配搭，好鍾意
❥ Tiramisu😋
雖然細細件，但一啲都唔求其😍咖啡酒好香濃，蛋糕亦好creamy，唔係死甜，而且中層咖啡蛋糕質地較實，為蛋糕整體帶來口感
❥ Cake of the day 🍰
是日蛋糕係紅莓蛋糕，裡面有好香濃嘅朱古力味，配搭同樣香濃嘅紅莓醬同蛋糕，味道酸甜而重口味，好有特色❣️
❥ Scone with clotted cream n organic jam😋
係好正宗嘅scone🤩 新鮮焗出來嘅外層口感香 脆，裡面質感適中，唔會食到口乾，以有機果醬配搭紅莓scone，味道好夾；再以奶油配搭牛油scone，奶油好香好滑🧈
❥ Coffee or tea
㨂左杯伯爵茶，味道正常發揮☕️
以上有😋係特別推介✨
整體黎講鹹點質素唔錯，Risotto ball最突出；甜點更加出色，Panna cotta同Scone都好值得再食🥰
張貼
