Peko Peko Eatery (康怡廣場北座) (已結業)

同朋友補祝生日，想搵間大家都未幫襯過嘅餐廳吃頓晚飯。友人一向愛吃西餐，但對日本料理亦情有獨鍾。記得康怡廣場地下有間叫「Peko Peko」嘅日式西餐廳，店舖由五星級酒店廚師開設，主打西日 Fusion 菜，應該啱朋友口味，一於試下。餐廳採用暖灰色和木色為主調，水磨石磚、洞穴卡座、型格天花吊燈，裝潢高雅，營造出細緻精美用餐環境。先嚟一客 63c Yuzu Caesar ($78)  沙律菜很新鮮，溫泉蛋帶流心又滑，再撈埋咸香嘅鯷魚、煙肉、芝士脆片、麵包粒和柚子凱撒汁一齊食，味道甜甜酸酸，令人胃口大開。香草芝士焗鮟鱇魚柳 ($188)  魚柳焗得啱啱好，肥美肉厚，結實又唔鬆散，纖維彈性十足，同墊底嘅黃咖喱好夾。伴菜同擺碟都很精美，盡顯廚師創意與心思。法式油封鴨腿配紅菜頭汁 ($188)  鴨腿肥瘦適中，肉質軟腍鬆化，細嫩又帶鴨油香。鴨皮脆卜卜，吃時還散發著濃郁香酥味，配清甜嘅紅菜頭汁同微酸嘅 sour cream 吃，多重滋味，回味無窮。香蒜和牛粒炒飯 ($158)  和牛粒肉嫩鮮美，油花同肉味恰到好處，入口脂香甘腴。下面嘅炒飯亦係水準之作，飯粒炒得非常香口，乾身且蓬鬆，加上大大碟，食得十