Sky726

好耐冇行旺角，唔係，係好耐冇行旺角的夜街至係。咁今日夜晚時候來到，行行吓來到起咗10幾或20幾年的跨越彌敦路天橋，咁又貪玩行一行，就咁一行，見到726咁大個招牌，呢座好高的大廈，外觀的燈管以幾何圖形展示，簡單又有型，因此再行返轉頭入咗座大廈，唔小心㩒咗25樓，就係今日來到嘅『sky 726 』。室内環境比較黑，但見窗外的靚靚夜景，側側哋都望到朗豪坊，一個幾浪漫的地方。點咗『脆炸魷魚圈配他他汁及雞尾汁』，貫徹必有海鮮的小小習慣，香脆的魷魚圈配有他他汁和雞尾汁，有兩種唔同sauce選擇真係very good.『香蒜鴨肉紅菜頭扁意粉』，早排見朋友有紅色火龍果意粉食，呢度没有，咁就點咗紅菜頭意粉，紅菜頭意粉感覺健康又特别，仲有香蒜鴨肉唔會咁齋，其實仲有D菌類，所以好好味吖。『檸檬蛋白脆炸彈』見人點我又點，外表吸引，黄色外殼似蛋/檸檬??，加埋錘仔『扑』爛來食都幾好玩，又有生果加持，好啱我心意。