Peko Peko Eatery (康怡廣場北座) (已結業)

每次經過都會被精緻的環境吸引，同靚女舊同事食飯就選擇左呢度。有選擇困難的我們就選擇了二人餐，有沙律、蘑菇湯、扇貝明太子意粉、香煎西班牙豬鞍。推廣做緊加七十幾蚊有忌廉青口，價錢好吸引所以都加左。樣樣野份量都好足夠，兩個女仔食曬整個餐係非常飽。最鍾意蘑菇湯，好濃稠，好順口，味道平衡得好好。另外豬鞍都非常出色，肉質好嫩，煎到外表有少少焦，好香口。結尾叫左個心太軟做甜品，無論食到幾飽，唔食個甜品好似意猶未盡咁。呢個心太軟朱古力夠濃郁，好流心，暖烘烘咁食落好舒服。環境好好，好寬敞，燈光裝修等比到人一種好柔和放鬆感覺，真係好適合傾計。