Terrace in seaside (MOKO新世紀廣場)

營業中

休息中

大學同學飯聚，方便大家就揀咗旺角食飯。之前已經食過呢一間沙田分店嘅甜品覺得唔錯，今次就嚟旺角試吓晚餐。飯卷正常表現，唔算太特別。個雞胸軟骨同炸雞其實幾好食，可惜份量就少啲，不過熱氣嘢就唔encore。雖然係炸雞，但係一啲都唔乾中間勁多肉汁。另外個卡邦尼意粉都幾Creamy牛肋條就唔係好夠六大一細去分啦，個味道係可以，不過可以再炆腍多少少。兩個甜品，比較喜歡開心果麻糬，唔太甜而且麻糬又有咬口。士多啤梨就甜咗少少同埋太多醬浸淋咗塊餅。除咗口感冇開心果嗰個咁好之外，味道其實係唔差嘅。整體份量就感覺適合二至三人好啲。