Terrace in seaside (MOKO新世紀廣場)

呢晚嚟咗呢間喺商場裏邊嘅新派韓國菜🇰🇷餐廳食晚餐，我哋坐低嘅時候大約有一半客人，走嘅時候坐滿兼要喺門口排隊等，喺而家咁嘅時勢真係勁揪🤣估計呢間餐廳伙食好好因為見到大部份員工工作勤快兼好有福氣🤣$96「玫瑰醬八爪魚豬五花意粉」：玫瑰醬汁唔肯定裏邊有乜好似落咗啲 sun-dried tomatoes 去煮充滿 umami 出奇地好味🤣，意大利麵用咗 Tagliatelle 闊條麵煮到少少 al dente 硬硬哋啱胃口🤣，八爪魚🐙就幾爽滑🤣$238「拉出一絲絲芝士排骨鍋」：排骨肉質幾軟熟，配埋拉絲芝士，幾好玩又幾好食🤣，店員妹妹仲幫我哋拉絲🤣，仲有紫菜飯團可以食，都係可以撈埋拉絲芝士一齊食🤣$258「半半炸雞」：揀咗有骨嘅炸雞，口味就揀咗「吃一口就想原諒世界的粟米炸雞」同埋「帶點正宗水原式牛肋骨醬炸雞」，名字有啲啲鬼馬，幾好玩🤣；「吃一口就想原諒世界的粟米炸雞」炸得外邊乾身幾香口🤣，「帶點正宗水原式牛肋骨醬炸雞」甜甜哋鹹鹹哋濕濕哋味道幾得意🤣$42「初夏青柑柚子梳打」同埋 $48「濟州柑橘乳酸梳打」：大大杯，都幾甜，越飲越開心🤩$132「比初戀還要甜的蜜瓜窩夫」：綠色嘅蜜瓜用匙羹𢳂成一小粒一小粒咁樣，細細粒，容易入口，味道非常清甜，好好食🤣；窩夫暖暖哋脆脆哋，配埋鮮忌廉同埋蜜瓜醬，都幾甜，幾好食🤣勁飽嘅一餐，我哋食完幾乎飽到唔識郁🤣…查看更多

2025年7月26日 星期日星期日再加上放暑假，當然要出去好好玩返一日啦，放足一日電真係覺得勁肚餓，於是就打算係新世紀廣場食飯行過Terrace in seaside，發現餐廳有Summer Time “Terrace Passport” 活動，簡單黎講就係首先問店員拎本餐廳特有既Passport，之後到任何分店消費，即可得到1個悠閒印章當集滿3個悠閒印章，就可以獲得Game Tour挑戰資格，前往8間指定挑戰分店參與趣味挑戰，每日每店首位完成挑戰者，更即場可獲得$1,000旅避禮券添而當集滿挑戰印章，就可於活動結束後換取限定獎賞咁我哋當然唔會執輸即刻拎左本passport，喺呢間分店消費，賺取第一個印章啦睇一睇餐牌，發現有新菜式，仲要係我最鍾意嘅蜜瓜味，於是急不及待點咗嚟試吓，另外再要咗幾款食物，一定足夠兩個人食話咁快菜式同飲品就已經全部送上，甜品可以食完主菜後另外再起首先有韓式燉牛肋骨配飯，牛肋骨燉得超入味，醬汁係偏甜中帶微辣，啱晒香港人口味牛肉一夾就散，完全唔使出力，入口即化配埋白飯一齊食，真係每啖都好滿足而且佢仲加咗蛋絲、紅蘿蔔同蔥花做配料，唔單止令賣相更靚，仲有層次感黑芝麻點綴令整體香氣提升，細節位都做得好足之後有雞蛋多過飯的蛋飯卷，呢款飯卷真係名副其實雞蛋多過飯！一上枱就見到厚厚嘅蛋包住紫菜同飯，視覺上已經好吸睛，影相打卡一流食落去蛋香超濃郁，口感滑嫩但唔會太油入面包住少量白飯，加埋爽脆嘅青瓜、紅蘿蔔絲，仲有少少醃菜，食落去層次好豐富每一啖都係蛋香同蔬菜清新感，唔會太 heavy，啱晒唔想食太飽但又想有口感嘅人呢個係玫瑰醬海鮮年糕，玫瑰醬其實係由番茄醬加上忌廉同少少辣醬混合而成，味道溫和又香濃，唔會太辣但勁掛汁年糕煙韌得嚟唔會太硬，吸收晒醬汁真係每啖都好滿足海鮮方面有蝦、青口、魷魚等，全部都新鮮彈牙，唔會有雪藏味加埋 arugula 同芝士碎，令到整體味道更有層次，仲有少少西式感覺添飲品方面有飲完唔會手指指餅咖啡，呢杯咖啡真係有啲玩味！唔止係一杯普通冰咖啡，上面仲加咗鮮忌廉同可可粉，最搶眼當然係上面插住一條 迷你手指餅，打卡一流，飲落又有驚喜底層係冰凍咖啡，唔會太甜，帶少少微苦，啱晒鍾意咖啡原味嘅人至於忌廉滑到不得了，配埋可可粉有種 mocha 嘅感覺最正係支手指餅，外脆內軟，仲有肉桂香，食完唔會太膩，反而有種「甜品＋飲品」二合一嘅滿足感另一杯就係圓碌碌蜜瓜沙冰，呢杯冰凍蜜瓜沙冰真係透心涼，沙冰入口清甜，蜜瓜味好天然，唔會有假果香而且口感綿密但唔會太膩，飲落去有種即刻降溫嘅感覺上面仲有幾粒蜜瓜球，圓碌碌咁坐喺沙冰上面，好似夏日果園咁療癒。最後有比初戀還要甜的蜜瓜窩夫，呢個窩夫唔止係味道，連賣相都好似一場夏日戀愛一上枱就見到金黃窩夫疊得靚靚地，上面鋪滿蜜瓜果肉、忌廉、莓果，仲有可食用花點綴，真係靚到唔捨得食！窩夫味道外脆內鬆，牛油香好濃郁，唔會太乾蜜瓜果肉清甜多汁，配埋滑滑忌廉，入口即化仲有士多啤梨、藍莓、蜜瓜球，酸甜交錯，令整體味道好有層次埋單每人三百幾蚊左右，食得十分滿足…查看更多

知道呢間有好多分店，之前都食過其他分店，都覺得味道都唔錯，今次行行吓街有少少想食甜品，就入咗呢間叫咗個窩夫嚟食🧇😋 不過呢間甜品嘅選擇唔算多，主要都係窩夫🧇Lotus焦糖窩夫 $92見到Lotus就即刻決定叫呢個，個窩夫大大嚿，但裏面好鬆軟，加埋焦糖醬同埋cream，整體味道好夾😋 除咗面頭大大塊嘅Lotus餅之外，仲會有啲Lotus餅碎，整體食落好香～以呢個價錢嚟講，食到大大份窩夫，其實都算幾抵！…查看更多

呢間韓食餐廳係商場food court位置，以橙色及木作為裝飾主題，侍應頭上帶住嘅柑橘帽好得意。有個2人餐，由沙律，主食到甜品都包埋，可以試到唔少野。前菜先有煙肉薯仔溏心蛋沙律，簡單材料但口感唔錯，唯唔係溏心蛋，偏向烚蛋。好耐無食過韓式豬手，有少少掛住，仲要唔駛另加錢。以木盤上菜，仲有生菜，韓式辣醬，青辣椒及蒜片包住食。豬手口感彈牙，包埋生菜一齊食，韓式辣醬嘅惹味都好夾豬手，亦可中和佢嘅膩感。澱粉質類要選兩款，其中之一係韓式燉牛肋骨配飯。牛肋骨與白飯份量係相同，上面再有D蛋絲，仲有紅白蘿蔔。醬汁味道係認識嘅韓式燉牛肋骨，配飯係好岩數; 肉質夠腍同入味。另一澱粉質擔當，玫瑰醬海鮮年糕，玫瑰醬係牛奶、茄汁、韓式辣醬三合一，變成淡紅色好似玫瑰色咁，味道香滑得黎有少少辛辣，掛汁程度可以令每條口感煙韌嘅年糕披上一身淡紅色上衫咁。而海鮮類就有蝦，青口及小章魚，整體味道覺得唔錯。包餐飲，都加$28轉飲濟州柑橘乳酪，呢杯絶對係呢度嘅招牌特飲，差唔多枱枱都有杯。外型吸睛，原個柑橘放係杯頂，乳酸味令人開胃，飲完仲可以食埋個柑橘，性價比高。呢客柑橘窩夫伴雪糕唔駛再另加錢，外型又係吸睛嘅。有4件窩夫，每塊都搽上忌廉，再倒少少柑橘醬汁，鬆脆又香甜口感，另有雲呢拿雪糕，橙白色配色令人感覺開心呢個二人餐份量相當對眼，3個人都絶對夠食，全部都係飽肚類，擺盤吸引，食物味道岩胃口，回頭率偏高。…查看更多

喺Moko見到一間好靚嘅韓國菜，即刻入去試吓🥰🥰🥰.✨半半炸雞（甜辣、柑橘🍊）特別鍾意柑橘🍊，感覺更清新，可以中和炸雞嘅油膩👍🏻👍🏻👍🏻✨比初戀還要甜的蜜瓜窩夫打卡一流‼️蜜瓜香甜，窩夫外脆內軟❤️✨拉出一絲絲芝士排骨鍋芝士控必點！芝士有拉絲效果，食咗一陣開始有焦香芝士，芝士嘅鹹香令排骨味道更豐富✨玫瑰醬八爪魚豬五花意粉玫瑰醬嘅味道類似奶油加入泡菜，有泡菜嘅風味又唔會好辣，好啱香港人口味，八爪魚爽口彈牙，同玫瑰醬嘅味道好夾👅✨初夏青柑柚子梳打✨濟州柑橘乳酸梳打.Terrace 拯救炎炎的你！星期一至星期四氣溫越高，飲品越抵飲！依據香港天文台 APP當日最高氣溫，全場飲品享以下優惠：- 35°C或以上 65折- 32-34°C 67折- 31°C或以下 68折.📍 Terrace in seaside (旺角)旺角太子道西193號MOKO新世紀廣場3樓…查看更多