米気

營業中

休息中

第一個丼飯八爪魚沙律就已經吸引晒我嘅胃口。啲八爪魚爽脆彈牙，配埋清爽嘅沙律醬，真係開胃又唔會太膩。白飯上撒咗香軟嘅明太子，令白飯更加香濃。紅酒繪牛肉嘅質感啱啱好，肉質鮮嫩，再沾埋啲醬汁更加好食。最後，糯米雪糕作為甜品，清新又唔會太甜，唔知係咪用米整，所以好黏稠，煙煙韌韌。第二個丼飯帆立貝裙邊沙律作為前菜，啲帆立貝鮮甜爽口，配埋沙律底酸酸尾尾，而且份量好多一啲都唔係前菜份量！南蠻炸雞，啲雞塊炸得香脆，肉質又多汁，佢上面嗰個醬汁非常特別，少少沙律醬加埋一啲洋蔥粒，中和左炸雞嘅油膩。 不過沙律醬都偏濃郁。 所以食幾舊真係夠飽啦！最後，茶碗蒸蛋作為結尾，滑嫩細膩，裏面嘅材料都好多，仲有平時都冇乜嘅鰻魚。 總括黎講，呢間飯真係值得一試！我估佢個名叫米氣所以整嘅嘢都關米事！ 飲品係黑糖米水，個人認為偏甜。 然後雪糕又係米整嘅。整體來講幾有特色，午餐嘅Menu價錢都尚算可以。