紅葉茶屋 (D2 Place TWO)

紅葉茶屋喺香港有幾間分店，之前去過荃灣海之戀分店， 試咗唔少日式經典菜式，質素高，相當有驚喜。最鍾意食日本嘢嘅我哋，就去咗佢哋荔枝角分店。 餐廳座位寬闊， 坐得好舒服，約三五知己黎食飯就岩哂！🥰

餐牌有賣唔同日式菜式，例如拉麵、丼飯、壽喜燒、壽司等，實惠又飽肚！另外擺盤精緻，打卡一流！

1）豪華和牛肉壽喜燒定食 - 壽喜燒汁甜而不膩，和牛份量好多，和牛滑嫩，配上綿滑嘅米飯及沾上蛋汁，可口美味。定食套餐包咗麵豉湯及漬物。😋

2）鰻魚滑蛋井 - 洋蔥炒滑蛋鋪滿大大碗飯，鰻魚好厚身，烤到外脆內軟，啖啖肉， 醬汁調配得剛剛好， 忍唔住一口接一口咁食！

3）和風炸雞合(雞件及雞全翼）+$42 - 即叫即炸，炸到金黃色，香脆可口！

4）蕃茄胡麻沙律 +$20 - 蕃茄配上羅馬沙律菜，清新開胃

5）（熱）蜂蜜薑紅茶（熱）芒果百香果茶 - 喺凍冰冰嘅天氣遞上一杯熱茶，飲落好舒服， 暖心又暖胃。