影片
更多
2022-12-22
111 瀏覽
今日過冬，唔想大魚大肉油油膩膩，決定食健康啲嘅淮揚菜。🏞️淮揚菜發源於淮安、揚州，呢啲地區自古比較富裕，菜色重技巧、刀工，講求突顯食材本味，唔會用濃重嘅油鹽糖，要做到清雅而不寡淡並不容易。🪑今晚食嘅係私房菜，餐廳唔算大，裝修精緻，仲有個超靚嘅露台，場地可塑性高，好適合公司搞event。💁🏻♀️因為餐廳人數少，廚師可以好專注，侍應服務殷勤友善，非常好笑容，上菜速度亦都好快。前菜點咗三款：🌼桂花糯米藕未食都已經聞到好香嘅桂花味，咬落去軟綿，桂花清香而不甜膩，糯米豐富咗菜色嘅口感。🥬籽田貢菜餐廳冠名菜式，一定要試，更何況我未食過貢菜。原來貢菜係爽口的！完全無草腥味，好清爽，帶點鮮甜帶點辣，好食。🐓饞嘴烏雞爪特別選用營養價值較高的烏雞，有要求！鳳爪已經去骨，食落啖啖肉，又有卜卜脆嘅軟骨，充滿骨膠原，好滋補。🥣四季豐料老火湯今晚嘅老火湯係粉葛煲雞腳，一飲就知無味精，火候好足，飲落好舒服。🦁揚州古法獅子頭未食先見到超可愛的獅子瓷器！好有心思好得意！獅子頭夠紮實，唔會滲咗好多粉和肥肉，亦唔會用濃重嘅醬汁，真材實料，咸淡相宜，食完唔口渴。🍲揚州大煮乾絲因為唔知係咩嚟，又有手指公推薦，所以點嚟試吓🤪原來係
🏞️淮揚菜發源於淮安、揚州，呢啲地區自古比較富裕，菜色重技巧、刀工，講求突顯食材本味，唔會用濃重嘅油鹽糖，要做到清雅而不寡淡並不容易。
🪑今晚食嘅係私房菜，餐廳唔算大，裝修精緻，仲有個超靚嘅露台，場地可塑性高，好適合公司搞event。
💁🏻♀️因為餐廳人數少，廚師可以好專注，侍應服務殷勤友善，非常好笑容，上菜速度亦都好快。
前菜點咗三款：
🌼桂花糯米藕
未食都已經聞到好香嘅桂花味，咬落去軟綿，桂花清香而不甜膩，糯米豐富咗菜色嘅口感。
🥬籽田貢菜
餐廳冠名菜式，一定要試，更何況我未食過貢菜。原來貢菜係爽口的！完全無草腥味，好清爽，帶點鮮甜帶點辣，好食。
🐓饞嘴烏雞爪
特別選用營養價值較高的烏雞，有要求！鳳爪已經去骨，食落啖啖肉，又有卜卜脆嘅軟骨，充滿骨膠原，好滋補。
🥣四季豐料老火湯
今晚嘅老火湯係粉葛煲雞腳，一飲就知無味精，火候好足，飲落好舒服。
🦁揚州古法獅子頭
未食先見到超可愛的獅子瓷器！好有心思好得意！獅子頭夠紮實，唔會滲咗好多粉和肥肉，亦唔會用濃重嘅醬汁，真材實料，咸淡相宜，食完唔口渴。
🍲揚州大煮乾絲
因為唔知係咩嚟，又有手指公推薦，所以點嚟試吓🤪原來係考刀工嘅菜色，豆腐切到好幼，再用上湯、火腿、冬菇、肉絲等一齊煮。咸香食材令本來平平無奇嘅豆腐好入味，食完一啖又一啖。
🥗清炒萵筍
萵筍非常新鮮爽甜，能夠食到食材本味，但又唔會好齋。
🍡桂花黑芝麻湯圓
今日過冬，一定要食湯圓。芝麻湯丸微甜，配清香嘅桂花湯，真係齒頰留香👍
🌟今餐食完感覺真係好舒服，成日出街食飯食完都油膩口渴，但淮揚菜完全唔一樣，好清新健康，同屋企人食真係好適合。
最後祝大家冬至快樂，身體健康！
📍新籽田會館 (尖沙咀)
尖沙咀山林道38號銀座9樓
張貼
